פסוקים על Faith

כי אהב עמנו הוא והוא בנה לנו את בית הכנסת׃

וילך אתם ישוע ויהי כאשר קרב אל הבית וישלח אליו שר המאה על ידי רעיו לאמר לו בי אדני אל נא תטריח את עצמך כי אינני כדי שתבוא בצל קורתי׃

ובעבור זאת גם את עצמי לא חשבתי ראוי לבוא אליך אך דבר נא דבר וירפא נערי׃

כי גם אנכי איש נתון תחת השלטון יש תחת ידי אנשי צבא ואמרתי לזה לך והלך ולזה בוא ובא ולעבדי עשה זאת ועשה׃

וישמע ישוע את דבריו ויתמה עליו ויפן ויאמר אל ההמון ההלך אחריו אמר אני לכם גם בישראל לא מצאתי אמונה גדולה כזאת׃

ויאמר אליה חזקי בתי אמונתך הושיעה לך לכי לשלום׃

עודנו מדבר ואיש בא מבית ראש הכנסת ויאמר מתה בתך אל תטריח את המורה׃

וישמע ישוע ויען ויאמר לו אל תירא אך האמן והיא תושע׃

ויאמר אל תלמידיו לכן אני אמר לכם אל תדאגו לנפשכם מה תאכלו ולגופכם מה תלבשו׃

הנפש יקרה היא מן המזון והגוף יקר מן המלבוש׃

התבוננו אל הערבים אשר אינם זרעים ואינם קצרים וגם אין להם מגורה ואוצר והאלהים מכלכל אותם ומה מעלים אתם מן העוף׃

ומי זה מכם אשר בדאגתו יוכל להוסיף אמה אחת על קומתו׃

ועתה הן מעט מזער אין ביכלתכם וליותר מה תדאגו׃

התבוננו אל השושנים הצמחות ואינן טות ואינן ארגות ואני אמר לכם כי גם שלמה בכל הדרו לא היה לבוש כאחת מהנה׃

ואם ככה ילביש אלהים את חציר השדה אשר היום ישנו ומחר ישלך לתוך התנור אף כי אתכם קטני האמונה׃

גם אתם אל תדרשו מה תאכלו ומה תשתו ואל תהלכו בגדלות׃

כי את כל אלה מבקשים גויי הארץ ואביכם הוא יודע כי צריכים אתם לאלה׃

אך בקשו את מלכות האלהים ונוסף לכם כל אלה׃

אל תירא העדר הקטן כי רצה אביכם לתת לכם את המלכות׃

וכאשר הגביה משה את הנחש במדבר כן צריך בן האדם להנשא׃

למען לא יאבד כל המאמין בו כי אם יחיה חיי עולמים׃

כי ככה אהב האלהים את העולם עד אשר נתן את בנו את יחידו למען לא יאבד כל המאמין בו כי אם יחיה חיי עולמים׃

ויען אתו שמעון פטרוס אדני אל מי נלך דברי חיי עולמים עמך׃

ואנחנו האמנו ונדע כי אתה המשיח בן אל חי׃

ויבאו אליו רבים ויאמרו הנה יוחנן לא עשה אות אבל כל אשר דבר יוחנן על האיש הזה אמת היה׃