פסוקים על Excuses

42 פסוקים

פסוקי מפתח

סינון לפי ספר
  1. בְּרֵאשִׁית ג׳:י״ב

    ויאמר האדם האשה אשר נתתה עמדי הוא נתנה לי מן העץ ואכל׃

  2. בְּרֵאשִׁית ג׳:י״ג

    ויאמר יהוה אלהים לאשה מה זאת עשית ותאמר האשה הנחש השיאני ואכל׃

  3. שְׁמֹות ד׳:י׳

    ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכי׃

  4. שְׁמֹות ד׳:י״א

    ויאמר יהוה אליו מי שם פה לאדם או מי ישום אלם או חרש או פקח או עור הלא אנכי יהוה׃

  5. שְׁמֹות ד׳:י״ב

    ועתה לך ואנכי אהיה עם פיך והוריתיך אשר תדבר׃

  6. שְׁמֹות ד׳:י״ג

    ויאמר בי אדני שלח נא ביד תשלח׃

  7. שְׁמֹות ד׳:י״ד

    ויחר אף יהוה במשה ויאמר הלא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושמח בלבו׃

  8. שְׁמֹות ל״ב:כ״ב

    ויאמר אהרן אל יחר אף אדני אתה ידעת את העם כי ברע הוא׃

  9. שְׁמֹות ל״ב:כ״ג

    ויאמרו לי עשה לנו אלהים אשר ילכו לפנינו כי זה משה האיש אשר העלנו מארץ מצרים לא ידענו מה היה לו׃

  10. שְׁמֹות ל״ב:כ״ד

    ואמר להם למי זהב התפרקו ויתנו לי ואשלכהו באש ויצא העגל הזה׃

  11. דְּבָרִים ל׳:י״א

    כי המצוה הזאת אשר אנכי מצוך היום לא נפלאת הוא ממך ולא רחקה הוא׃

  12. דְּבָרִים ל׳:י״ב

    לא בשמים הוא לאמר מי יעלה לנו השמימה ויקחה לנו וישמענו אתה ונעשנה׃

  13. דְּבָרִים ל׳:י״ג

    ולא מעבר לים הוא לאמר מי יעבר לנו אל עבר הים ויקחה לנו וישמענו אתה ונעשנה׃

  14. דְּבָרִים ל׳:י״ד

    כי קרוב אליך הדבר מאד בפיך ובלבבך לעשתו׃

  15. שֹׁפְטִים ו׳:י״ב

    וירא אליו מלאך יהוה ויאמר אליו יהוה עמך גבור החיל׃

  16. שֹׁפְטִים ו׳:י״ג

    ויאמר אליו גדעון בי אדני ויש יהוה עמנו ולמה מצאתנו כל זאת ואיה כל נפלאתיו אשר ספרו לנו אבותינו לאמר הלא ממצרים העלנו יהוה ועתה נטשנו יהוה ויתננו בכף מדין׃

  17. שֹׁפְטִים ו׳:י״ד

    ויפן אליו יהוה ויאמר לך בכחך זה והושעת את ישראל מכף מדין הלא שלחתיך׃

  18. שֹׁפְטִים ו׳:ט״ו

    ויאמר אליו בי אדני במה אושיע את ישראל הנה אלפי הדל במנשה ואנכי הצעיר בבית אבי׃

  19. שֹׁפְטִים ו׳:ט״ז

    ויאמר אליו יהוה כי אהיה עמך והכית את מדין כאיש אחד׃

  20. שֹׁפְטִים ו׳:י״ז

    ויאמר אליו אם נא מצאתי חן בעיניך ועשית לי אות שאתה מדבר עמי׃

  21. 1 מְלָכִים י״ט:י״ט

    וילך משם וימצא את אלישע בן שפט והוא חרש שנים עשר צמדים לפניו והוא בשנים העשר ויעבר אליהו אליו וישלך אדרתו אליו׃

  22. 1 מְלָכִים י״ט:כ׳

    ויעזב את הבקר וירץ אחרי אליהו ויאמר אשקה נא לאבי ולאמי ואלכה אחריך ויאמר לו לך שוב כי מה עשיתי לך׃

  23. 1 מְלָכִים י״ט:כ״א

    וישב מאחריו ויקח את צמד הבקר ויזבחהו ובכלי הבקר בשלם הבשר ויתן לעם ויאכלו ויקם וילך אחרי אליהו וישרתהו׃

  24. 2 מְלָכִים ה׳:י׳

    וישלח אליו אלישע מלאך לאמר הלוך ורחצת שבע פעמים בירדן וישב בשרך לך וטהר׃

  25. 2 מְלָכִים ה׳:י״א

    ויקצף נעמן וילך ויאמר הנה אמרתי אלי יצא יצוא ועמד וקרא בשם יהוה אלהיו והניף ידו אל המקום ואסף המצרע׃