פסוקים על Dedication

213 פסוקים · 28 היבטים

פסוקי מפתח

סינון לפי ספר
  1. 1 מְלָכִים ח׳:ג׳

    ויבאו כל זקני ישראל וישאו הכהנים את הארון׃

  2. 1 מְלָכִים ח׳:ד׳

    ויעלו את ארון יהוה ואת אהל מועד ואת כל כלי הקדש אשר באהל ויעלו אתם הכהנים והלוים׃

  3. 1 מְלָכִים ח׳:ה׳

    והמלך שלמה וכל עדת ישראל הנועדים עליו אתו לפני הארון מזבחים צאן ובקר אשר לא יספרו ולא ימנו מרב׃

  4. 1 מְלָכִים ח׳:ו׳

    ויבאו הכהנים את ארון ברית יהוה אל מקומו אל דביר הבית אל קדש הקדשים אל תחת כנפי הכרובים׃

  5. 1 מְלָכִים ח׳:ז׳

    כי הכרובים פרשים כנפים אל מקום הארון ויסכו הכרבים על הארון ועל בדיו מלמעלה׃

  6. 1 מְלָכִים ח׳:ח׳

    ויארכו הבדים ויראו ראשי הבדים מן הקדש על פני הדביר ולא יראו החוצה ויהיו שם עד היום הזה׃

  7. 1 מְלָכִים ח׳:ט׳

    אין בארון רק שני לחות האבנים אשר הנח שם משה בחרב אשר כרת יהוה עם בני ישראל בצאתם מארץ מצרים׃

  8. 1 מְלָכִים ח׳:י׳

    ויהי בצאת הכהנים מן הקדש והענן מלא את בית יהוה׃

  9. 1 מְלָכִים ח׳:י״א

    ולא יכלו הכהנים לעמד לשרת מפני הענן כי מלא כבוד יהוה את בית יהוה׃

  10. 1 מְלָכִים ח׳:י״ב

    אז אמר שלמה יהוה אמר לשכן בערפל׃

  11. 1 מְלָכִים ח׳:י״ג

    בנה בניתי בית זבל לך מכון לשבתך עולמים׃

  12. 1 מְלָכִים ח׳:י״ד

    ויסב המלך את פניו ויברך את כל קהל ישראל וכל קהל ישראל עמד׃

  13. 1 מְלָכִים ח׳:ט״ו

    ויאמר ברוך יהוה אלהי ישראל אשר דבר בפיו את דוד אבי ובידו מלא לאמר׃

  14. 1 מְלָכִים ח׳:ט״ז

    מן היום אשר הוצאתי את עמי את ישראל ממצרים לא בחרתי בעיר מכל שבטי ישראל לבנות בית להיות שמי שם ואבחר בדוד להיות על עמי ישראל׃

  15. 1 מְלָכִים ח׳:י״ז

    ויהי עם לבב דוד אבי לבנות בית לשם יהוה אלהי ישראל׃

  16. 1 מְלָכִים ח׳:י״ח

    ויאמר יהוה אל דוד אבי יען אשר היה עם לבבך לבנות בית לשמי הטיבת כי היה עם לבבך׃

  17. 1 מְלָכִים ח׳:י״ט

    רק אתה לא תבנה הבית כי אם בנך היצא מחלציך הוא יבנה הבית לשמי׃

  18. 1 מְלָכִים ח׳:כ׳

    ויקם יהוה את דברו אשר דבר ואקם תחת דוד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃

  19. 1 מְלָכִים ח׳:כ״א

    ואשם שם מקום לארון אשר שם ברית יהוה אשר כרת עם אבתינו בהוציאו אתם מארץ מצרים׃

  20. 1 מְלָכִים ח׳:כ״ב

    ויעמד שלמה לפני מזבח יהוה נגד כל קהל ישראל ויפרש כפיו השמים׃

  21. 1 מְלָכִים ח׳:כ״ג

    ויאמר יהוה אלהי ישראל אין כמוך אלהים בשמים ממעל ועל הארץ מתחת שמר הברית והחסד לעבדיך ההלכים לפניך בכל לבם׃

  22. 1 מְלָכִים ח׳:כ״ד

    אשר שמרת לעבדך דוד אבי את אשר דברת לו ותדבר בפיך ובידך מלאת כיום הזה׃

  23. 1 מְלָכִים ח׳:כ״ה

    ועתה יהוה אלהי ישראל שמר לעבדך דוד אבי את אשר דברת לו לאמר לא יכרת לך איש מלפני ישב על כסא ישראל רק אם ישמרו בניך את דרכם ללכת לפני כאשר הלכת לפני׃

  24. 1 מְלָכִים ח׳:כ״ו

    ועתה אלהי ישראל יאמן נא דבריך אשר דברת לעבדך דוד אבי׃

  25. 1 מְלָכִים ח׳:כ״ז

    כי האמנם ישב אלהים על הארץ הנה השמים ושמי השמים לא יכלכלוך אף כי הבית הזה אשר בניתי׃