פסוקים על Christ is God: Acknowledged by the Old Testament saints

ויותר יעקב לבדו ויאבק איש עמו עד עלות השחר׃

וירא כי לא יכל לו ויגע בכף ירכו ותקע כף ירך יעקב בהאבקו עמו׃

ויאמר שלחני כי עלה השחר ויאמר לא אשלחך כי אם ברכתני׃

ויאמר אליו מה שמך ויאמר יעקב׃

ויאמר לא יעקב יאמר עוד שמך כי אם ישראל כי שרית עם אלהים ועם אנשים ותוכל׃

וישאל יעקב ויאמר הגידה נא שמך ויאמר למה זה תשאל לשמי ויברך אתו שם׃

ויקרא יעקב שם המקום פניאל כי ראיתי אלהים פנים אל פנים ותנצל נפשי׃

וירא גדעון כי מלאך יהוה הוא ויאמר גדעון אהה אדני יהוה כי על כן ראיתי מלאך יהוה פנים אל פנים׃

ויאמר לו יהוה שלום לך אל תירא לא תמות׃

ויבן שם גדעון מזבח ליהוה ויקרא לו יהוה שלום עד היום הזה עודנו בעפרת אבי העזרי׃

ואני ידעתי גאלי חי ואחרון על עפר יקום׃

ואחר עורי נקפו זאת ומבשרי אחזה אלוה׃

אשר אני אחזה לי ועיני ראו ולא זר כלו כליתי בחקי׃

בבטן עקב את אחיו ובאונו שרה את אלהים׃

וישר אל מלאך ויכל בכה ויתחנן לו בית אל ימצאנו ושם ידבר עמנו׃

ויהוה אלהי הצבאות יהוה זכרו׃