פסוקים על Chastisement

כל אכל תתעב נפשם ויגיעו עד שערי מות׃

ויזעקו אל יהוה בצר להם ממצקותיהם יושיעם׃

ישלח דברו וירפאם וימלט משחיתותם׃

יודו ליהוה חסדו ונפלאותיו לבני אדם׃

יורדי הים באניות עשי מלאכה במים רבים׃

המה ראו מעשי יהוה ונפלאותיו במצולה׃

ויאמר ויעמד רוח סערה ותרומם גליו׃

יעלו שמים ירדו תהומות נפשם ברעה תתמוגג׃

יחוגו וינועו כשכור וכל חכמתם תתבלע׃

ויצעקו אל יהוה בצר להם וממצוקתיהם יוציאם׃

יקם סערה לדממה ויחשו גליהם׃

וישמחו כי ישתקו וינחם אל מחוז חפצם׃

מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח וכאב את בן ירצה׃

אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃

והוא מחלל מפשענו מדכא מעונתינו מוסר שלומנו עליו ובחברתו נרפא לנו׃

כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃

בעון בצעו קצפתי ואכהו הסתר ואקצף וילך שובב בדרך לבו׃

דרכיו ראיתי וארפאהו ואנחהו ואשלם נחמים לו ולאבליו׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃

הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃

ותשכחו דבר הנחומים המדבר אליכם כמו אל בנים לאמר מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח יכאב את בן ירצה׃

אם סבלים אתם מוסר דעו כי כאב עם בניו כן מתנהג אלהים עמכם כי איה הבן אשר אביו לא ייסרנו׃