פסוקים על Birds

המקרה במים עליותיו השם עבים רכובו המהלך על כנפי רוח׃

עשה מלאכיו רוחות משרתיו אש להט׃

יסד ארץ על מכוניה בל תמוט עולם ועד׃

תהום כלבוש כסיתו על הרים יעמדו מים׃

מן גערתך ינוסון מן קול רעמך יחפזון׃

יעלו הרים ירדו בקעות אל מקום זה יסדת להם׃

גבול שמת בל יעברון בל ישובון לכסות הארץ׃

המשלח מעינים בנחלים בין הרים יהלכון׃

ישקו כל חיתו שדי ישברו פראים צמאם׃

עליהם עוף השמים ישכון מבין עפאים יתנו קול׃

בני אם יפתוך חטאים אל תבא׃

אם יאמרו לכה אתנו נארבה לדם נצפנה לנקי חנם׃

נבלעם כשאול חיים ותמימים כיורדי בור׃

כל הון יקר נמצא נמלא בתינו שלל׃

גורלך תפיל בתוכנו כיס אחד יהיה לכלנו׃

בני אל תלך בדרך אתם מנע רגלך מנתיבתם׃

כי רגליהם לרע ירוצו וימהרו לשפך דם׃

כי חנם מזרה הרשת בעיני כל בעל כנף׃

הלא תמכרנה שתי צפרים באסר ואחת מהנה לא תפול ארצה מבלעדי אביכם׃

ואתם גם שערות ראשכם נמנות כלן׃

לכן אל תיראו הנכם יקרים מצפרים רבות׃