TRV
פסוקים על Birds: Habits of
פסוקים על Habits of
כנף רננים נעלסה אם אברה חסידה ונצה׃
כי תעזב לארץ בציה ועל עפר תחמם׃
ותשכח כי רגל תזורה וחית השדה תדושה׃
הקשיח בניה ללא לה לריק יגיעה בלי פחד׃
כי השה אלוה חכמה ולא חלק לה בבינה׃
כעת במרום תמריא תשחק לסוס ולרכבו׃
המבינתך יאבר נץ יפרש כנפו לתימן׃
אם על פיך יגביה נשר וכי ירים קנו׃
סלע ישכן ויתלנן על שן סלע ומצודה׃
משם חפר אכל למרחוק עיניו יביטו׃
ואפרחו יעלעו דם ובאשר חללים שם הוא׃