פסוקים על Amorites

73 פסוקים · 10 היבטים

פסוקי מפתח

סינון לפי ספר
  1. בְּרֵאשִׁית י׳:ט״ו

    וכנען ילד את צידן בכרו ואת חת׃

  2. בְּרֵאשִׁית י׳:ט״ז

    ואת היבוסי ואת האמרי ואת הגרגשי׃

  3. שְׁמֹות ל״ד:י׳

    ויאמר הנה אנכי כרת ברית נגד כל עמך אעשה נפלאת אשר לא נבראו בכל הארץ ובכל הגוים וראה כל העם אשר אתה בקרבו את מעשה יהוה כי נורא הוא אשר אני עשה עמך׃

  4. שְׁמֹות ל״ד:י״א

    שמר לך את אשר אנכי מצוך היום הנני גרש מפניך את האמרי והכנעני והחתי והפרזי והחוי והיבוסי׃

  5. דְּבָרִים כ׳:י״ז

    כי החרם תחרימם החתי והאמרי הכנעני והפרזי החוי והיבוסי כאשר צוך יהוה אלהיך׃

  6. דְּבָרִים כ׳:י״ח

    למען אשר לא ילמדו אתכם לעשות ככל תועבתם אשר עשו לאלהיהם וחטאתם ליהוה אלהיכם׃

  7. יְהוֹשֻעַ י׳:ג׳

    וישלח אדני צדק מלך ירושלם אל הוהם מלך חברון ואל פראם מלך ירמות ואל יפיע מלך לכיש ואל דביר מלך עגלון לאמר׃

  8. יְהוֹשֻעַ י׳:ד׳

    עלו אלי ועזרני ונכה את גבעון כי השלימה את יהושע ואת בני ישראל׃

  9. יְהוֹשֻעַ י׳:ה׳

    ויאספו ויעלו חמשת מלכי האמרי מלך ירושלם מלך חברון מלך ירמות מלך לכיש מלך עגלון הם וכל מחניהם ויחנו על גבעון וילחמו עליה׃

  10. יְהוֹשֻעַ י׳:ו׳

    וישלחו אנשי גבעון אל יהושע אל המחנה הגלגלה לאמר אל תרף ידיך מעבדיך עלה אלינו מהרה והושיעה לנו ועזרנו כי נקבצו אלינו כל מלכי האמרי ישבי ההר׃

  11. יְהוֹשֻעַ י׳:ז׳

    ויעל יהושע מן הגלגל הוא וכל עם המלחמה עמו וכל גבורי החיל׃

  12. יְהוֹשֻעַ י׳:ח׳

    ויאמר יהוה אל יהושע אל תירא מהם כי בידך נתתים לא יעמד איש מהם בפניך׃

  13. יְהוֹשֻעַ י׳:ט׳

    ויבא אליהם יהושע פתאם כל הלילה עלה מן הגלגל׃

  14. יְהוֹשֻעַ י׳:י׳

    ויהמם יהוה לפני ישראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃

  15. יְהוֹשֻעַ י׳:י״א

    ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה וימתו רבים אשר מתו באבני הברד מאשר הרגו בני ישראל בחרב׃

  16. יְהוֹשֻעַ י׳:י״ב

    אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילון׃

  17. יְהוֹשֻעַ י׳:י״ג

    וידם השמש וירח עמד עד יקם גוי איביו הלא היא כתובה על ספר הישר ויעמד השמש בחצי השמים ולא אץ לבוא כיום תמים׃

  18. יְהוֹשֻעַ י׳:י״ד

    ולא היה כיום ההוא לפניו ואחריו לשמע יהוה בקול איש כי יהוה נלחם לישראל׃

  19. יְהוֹשֻעַ י׳:ט״ו

    וישב יהושע וכל ישראל עמו אל המחנה הגלגלה׃

  20. יְהוֹשֻעַ י׳:ט״ז

    וינסו חמשת המלכים האלה ויחבאו במערה במקדה׃

  21. יְהוֹשֻעַ י׳:י״ז

    ויגד ליהושע לאמר נמצאו חמשת המלכים נחבאים במערה במקדה׃

  22. יְהוֹשֻעַ י׳:י״ח

    ויאמר יהושע גלו אבנים גדלות אל פי המערה והפקידו עליה אנשים לשמרם׃

  23. יְהוֹשֻעַ י׳:י״ט

    ואתם אל תעמדו רדפו אחרי איביכם וזנבתם אותם אל תתנום לבוא אל עריהם כי נתנם יהוה אלהיכם בידכם׃

  24. יְהוֹשֻעַ י׳:כ׳

    ויהי ככלות יהושע ובני ישראל להכותם מכה גדולה מאד עד תמם והשרידים שרדו מהם ויבאו אל ערי המבצר׃

  25. יְהוֹשֻעַ י׳:כ״א

    וישבו כל העם אל המחנה אל יהושע מקדה בשלום לא חרץ לבני ישראל לאיש את לשנו׃