פסוקים על Altar

73 פסוקים · 11 היבטים

פסוקי מפתח

סינון לפי ספר
  1. שְׁמֹות כ׳:כ״ד

    מזבח אדמה תעשה לי וזבחת עליו את עלתיך ואת שלמיך את צאנך ואת בקרך בכל המקום אשר אזכיר את שמי אבוא אליך וברכתיך׃

  2. שְׁמֹות כ׳:כ״ה

    ואם מזבח אבנים תעשה לי לא תבנה אתהן גזית כי חרבך הנפת עליה ותחללה׃

  3. שְׁמֹות כ׳:כ״ו

    ולא תעלה במעלת על מזבחי אשר לא תגלה ערותך עליו׃

  4. שְׁמֹות ל׳:א׳

    ¶ ועשית מזבח מקטר קטרת עצי שטים תעשה אתו׃

  5. שְׁמֹות ל׳:ב׳

    אמה ארכו ואמה רחבו רבוע יהיה ואמתים קמתו ממנו קרנתיו׃

  6. שְׁמֹות ל׳:ג׳

    וצפית אתו זהב טהור את גגו ואת קירתיו סביב ואת קרנתיו ועשית לו זר זהב סביב׃

  7. שְׁמֹות ל׳:ד׳

    ושתי טבעת זהב תעשה לו מתחת לזרו על שתי צלעתיו תעשה על שני צדיו והיה לבתים לבדים לשאת אתו בהמה׃

  8. שְׁמֹות ל׳:ה׳

    ועשית את הבדים עצי שטים וצפית אתם זהב׃

  9. שְׁמֹות ל׳:ו׳

    ונתתה אתו לפני הפרכת אשר על ארן העדת לפני הכפרת אשר על העדת אשר אועד לך שמה׃

  10. שְׁמֹות ל׳:ז׳

    והקטיר עליו אהרן קטרת סמים בבקר בבקר בהיטיבו את הנרת יקטירנה׃

  11. שְׁמֹות ל׳:ח׳

    ובהעלת אהרן את הנרת בין הערבים יקטירנה קטרת תמיד לפני יהוה לדרתיכם׃

  12. שְׁמֹות ל׳:ט׳

    לא תעלו עליו קטרת זרה ועלה ומנחה ונסך לא תסכו עליו׃

  13. שְׁמֹות ל׳:י׳

    וכפר אהרן על קרנתיו אחת בשנה מדם חטאת הכפרים אחת בשנה יכפר עליו לדרתיכם קדש קדשים הוא ליהוה׃

  14. שְׁמֹות ל׳:כ״ו

    ומשחת בו את אהל מועד ואת ארון העדת׃

  15. שְׁמֹות ל׳:כ״ז

    ואת השלחן ואת כל כליו ואת המנרה ואת כליה ואת מזבח הקטרת׃

  16. שְׁמֹות ל״ז:כ״ה

    ויעש את מזבח הקטרת עצי שטים אמה ארכו ואמה רחבו רבוע ואמתים קמתו ממנו היו קרנתיו׃

  17. שְׁמֹות ל״ז:כ״ו

    ויצף אתו זהב טהור את גגו ואת קירתיו סביב ואת קרנתיו ויעש לו זר זהב סביב׃

  18. שְׁמֹות ל״ז:כ״ז

    ושתי טבעת זהב עשה לו מתחת לזרו על שתי צלעתיו על שני צדיו לבתים לבדים לשאת אתו בהם׃

  19. שְׁמֹות ל״ז:כ״ח

    ויעש את הבדים עצי שטים ויצף אתם זהב׃

  20. שְׁמֹות מ׳:ה׳

    ונתתה את מזבח הזהב לקטרת לפני ארון העדת ושמת את מסך הפתח למשכן׃

  21. שְׁמֹות מ׳:כ״ו

    וישם את מזבח הזהב באהל מועד לפני הפרכת׃

  22. שְׁמֹות מ׳:כ״ז

    ויקטר עליו קטרת סמים כאשר צוה יהוה את משה׃

  23. וַיִּקְרָא ד׳:ז׳

    ונתן הכהן מן הדם על קרנות מזבח קטרת הסמים לפני יהוה אשר באהל מועד ואת כל דם הפר ישפך אל יסוד מזבח העלה אשר פתח אהל מועד׃

  24. וַיִּקְרָא ד׳:י״ח

    ומן הדם יתן על קרנת המזבח אשר לפני יהוה אשר באהל מועד ואת כל הדם ישפך אל יסוד מזבח העלה אשר פתח אהל מועד׃

  25. וַיִּקְרָא ח׳:ט״ו

    וישחט ויקח משה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשהו לכפר עליו׃