Kohath

ובני לוי גרשון קהת ומררי׃

ואלה שמות בני לוי לתלדתם גרשון וקהת ומררי ושני חיי לוי שבע ושלשים ומאת שנה׃

ובני קהת עמרם ויצהר וחברון ועזיאל ושני חיי קהת שלש ושלשים ומאת שנה׃

ויהיו אלה בני לוי בשמתם גרשון וקהת ומררי׃

ובני קהת למשפחתם עמרם ויצהר חברון ועזיאל׃

ולקהת משפחת העמרמי ומשפחת היצהרי ומשפחת החברני ומשפחת העזיאלי אלה הם משפחת הקהתי׃

משפחת בני קהת יחנו על ירך המשכן תימנה׃

נשא את ראש בני קהת מתוך בני לוי למשפחתם לבית אבתם׃

זאת עבדת בני קהת באהל מועד קדש הקדשים׃

וכלה אהרן ובניו לכסת את הקדש ואת כל כלי הקדש בנסע המחנה ואחרי כן יבאו בני קהת לשאת ולא יגעו אל הקדש ומתו אלה משא בני קהת באהל מועד׃

ולבני קהת לא נתן כי עבדת הקדש עלהם בכתף ישאו׃

¶ ויקח קרח בן יצהר בן קהת בן לוי ודתן ואבירם בני אליאב ואון בן פלת בני ראובן׃

ואלה פקודי הלוי למשפחתם לגרשון משפחת הגרשני לקהת משפחת הקהתי למררי משפחת המררי׃

אלה משפחת לוי משפחת הלבני משפחת החברני משפחת המחלי משפחת המושי משפחת הקרחי וקהת הולד את עמרם׃

ולבני קהת הנותרים ממשפחת מטה אפרים וממטה דן ומחצי מטה מנשה בגורל ערים עשר׃

ולמשפחות בני קהת הלוים הנותרים מבני קהת ויהי ערי גורלם ממטה אפרים׃

כל ערים עשר ומגרשיהן למשפחות בני קהת הנותרים׃

¶ בני לוי גרשון קהת ומררי׃

ובני קהת עמרם יצהר וחברון ועזיאל׃

בני לוי גרשם קהת ומררי׃

ובני קהת עמרם ויצהר וחברון ועזיאל׃

בני קהת עמינדב בנו קרח בנו אסיר בנו׃

בן יצהר בן קהת בן לוי בן ישראל׃

ולבני קהת הנותרים ממשפחת המטה ממחצית מטה חצי מנשה בגורל ערים עשר׃

וממשפחות בני קהת ויהי ערי גבולם ממטה אפרים׃