פסוקים על Ahimaaz

25 פסוקים · 3 היבטים

פסוקי מפתח

1 שְׁמוּאֵל י״ד:נ׳
ושם אשת שאול אחינעם בת אחימעץ ושם שר צבאו אבינר בן נר דוד שאול׃
2 שְׁמוּאֵל ט״ו:ל״ו
הנה שם עמם שני בניהם אחימעץ לצדוק ויהונתן לאביתר ושלחתם בידם אלי כל דבר אשר תשמעו׃
2 שְׁמוּאֵל י״ז:י״ז
ויהונתן ואחימעץ עמדים בעין רגל והלכה השפחה והגידה להם והם ילכו והגידו למלך דוד כי לא יוכלו להראות לבוא העירה׃
2 שְׁמוּאֵל י״ז:י״ח
וירא אתם נער ויגד לאבשלם וילכו שניהם מהרה ויבאו אל בית איש בבחורים ולו באר בחצרו וירדו שם׃
2 שְׁמוּאֵל י״ז:י״ט
ותקח האשה ותפרש את המסך על פני הבאר ותשטח עליו הרפות ולא נודע דבר׃
2 שְׁמוּאֵל י״ז:כ׳
ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם׃
2 שְׁמוּאֵל י״ח:י״ט
ואחימעץ בן צדוק אמר ארוצה נא ואבשרה את המלך כי שפטו יהוה מיד איביו׃
2 שְׁמוּאֵל י״ח:כ׳
ויאמר לו יואב לא איש בשרה אתה היום הזה ובשרת ביום אחר והיום הזה לא תבשר כי על בן המלך מת׃
2 שְׁמוּאֵל י״ח:כ״א
ויאמר יואב לכושי לך הגד למלך אשר ראיתה וישתחו כושי ליואב וירץ׃
2 שְׁמוּאֵל י״ח:כ״ב
ויסף עוד אחימעץ בן צדוק ויאמר אל יואב ויהי מה ארצה נא גם אני אחרי הכושי ויאמר יואב למה זה אתה רץ בני ולכה אין בשורה מצאת׃
2 שְׁמוּאֵל י״ח:כ״ג
ויהי מה ארוץ ויאמר לו רוץ וירץ אחימעץ דרך הככר ויעבר את הכושי׃
2 שְׁמוּאֵל י״ח:כ״ד
ודוד יושב בין שני השערים וילך הצפה אל גג השער אל החומה וישא את עיניו וירא והנה איש רץ לבדו׃
2 שְׁמוּאֵל י״ח:כ״ה
ויקרא הצפה ויגד למלך ויאמר המלך אם לבדו בשורה בפיו וילך הלוך וקרב׃
2 שְׁמוּאֵל י״ח:כ״ו
וירא הצפה איש אחר רץ ויקרא הצפה אל השער ויאמר הנה איש רץ לבדו ויאמר המלך גם זה מבשר׃
2 שְׁמוּאֵל י״ח:כ״ז
ויאמר הצפה אני ראה את מרוצת הראשון כמרצת אחימעץ בן צדוק ויאמר המלך איש טוב זה ואל בשורה טובה יבוא׃
2 שְׁמוּאֵל י״ח:כ״ח
ויקרא אחימעץ ויאמר אל המלך שלום וישתחו למלך לאפיו ארצה ויאמר ברוך יהוה אלהיך אשר סגר את האנשים אשר נשאו את ידם באדני המלך׃
2 שְׁמוּאֵל י״ח:כ״ט
ויאמר המלך שלום לנער לאבשלום ויאמר אחימעץ ראיתי ההמון הגדול לשלח את עבד המלך יואב ואת עבדך ולא ידעתי מה׃
2 שְׁמוּאֵל י״ח:ל׳
ויאמר המלך סב התיצב כה ויסב ויעמד׃
2 שְׁמוּאֵל י״ח:ל״א
והנה הכושי בא ויאמר הכושי יתבשר אדני המלך כי שפטך יהוה היום מיד כל הקמים עליך׃
2 שְׁמוּאֵל י״ח:ל״ב
ויאמר המלך אל הכושי השלום לנער לאבשלום ויאמר הכושי יהיו כנער איבי אדני המלך וכל אשר קמו עליך לרעה׃
2 שְׁמוּאֵל י״ח:ל״ג
וירגז המלך ויעל על עלית השער ויבך וכה אמר בלכתו בני אבשלום בני בני אבשלום מי יתן מותי אני תחתיך אבשלום בני בני׃
1 מְלָכִים ד׳:ט״ו
אחימעץ בנפתלי גם הוא לקח את בשמת בת שלמה לאשה׃
1 דִּבְרֵי הַיָּמִים ו׳:ח׳
ואחיטוב הוליד את צדוק וצדוק הוליד את אחימעץ׃
1 דִּבְרֵי הַיָּמִים ו׳:ט׳
ואחימעץ הוליד את עזריה ועזריה הוליד את יוחנן׃
1 דִּבְרֵי הַיָּמִים ו׳:נ״ג
צדוק בנו אחימעץ בנו׃