פסוקים על Adultery: General references

ויבא אלהים אל אבימלך בחלום הלילה ויאמר לו הנך מת על האשה אשר לקחת והוא בעלת בעל׃

אפס כי נאץ נאצת את איבי יהוה בדבר הזה גם הבן הילוד לך מות ימות׃

ועין נאף שמרה נשף לאמר לא תשורני עין וסתר פנים ישים׃

חתר בחשך בתים יומם חתמו למו לא ידעו אור׃

כי יחדו בקר למו צלמות כי יכיר בלהות צלמות׃

קל הוא על פני מים תקלל חלקתם בארץ לא יפנה דרך כרמים׃

¶ ברית כרתי לעיני ומה אתבונן על בתולה׃

אם נפתה לבי על אשה ועל פתח רעי ארבתי׃

תטחן לאחר אשתי ועליה יכרעון אחרין׃

כי הוא זמה והיא עון פלילים׃

כי אש היא עד אבדון תאכל ובכל תבואתי תשרש׃

להצילך מאשה זרה מנכריה אמריה החליקה׃

העזבת אלוף נעוריה ואת ברית אלהיה שכחה׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

כי נפת תטפנה שפתי זרה וחלק משמן חכה׃

ואחריתה מרה כלענה חדה כחרב פיות׃

רגליה ירדות מות שאול צעדיה יתמכו׃

ארח חיים פן תפלס נעו מעגלתיה לא תדע׃

ועתה בנים שמעו לי ואל תסורו מאמרי פי׃

הרחק מעליה דרכך ואל תקרב אל פתח ביתה׃

פן תתן לאחרים הודך ושנתיך לאכזרי׃

פן ישבעו זרים כחך ועצביך בבית נכרי׃

ונהמת באחריתך בכלות בשרך ושארך׃

ואמרת איך שנאתי מוסר ותוכחת נאץ לבי׃