פסוקים על Abishag

17 פסוקים · 1 היבט

פסוקי מפתח

1 מְלָכִים א׳:א׳
¶ והמלך דוד זקן בא בימים ויכסהו בבגדים ולא יחם לו׃
1 מְלָכִים א׳:ב׳
ויאמרו לו עבדיו יבקשו לאדני המלך נערה בתולה ועמדה לפני המלך ותהי לו סכנת ושכבה בחיקך וחם לאדני המלך׃
1 מְלָכִים א׳:ג׳
ויבקשו נערה יפה בכל גבול ישראל וימצאו את אבישג השונמית ויבאו אתה למלך׃
1 מְלָכִים א׳:ד׳
והנערה יפה עד מאד ותהי למלך סכנת ותשרתהו והמלך לא ידעה׃
1 מְלָכִים ב׳:י״ג
ויבא אדניהו בן חגית אל בת שבע אם שלמה ותאמר השלום באך ויאמר שלום׃
1 מְלָכִים ב׳:י״ד
ויאמר דבר לי אליך ותאמר דבר׃
1 מְלָכִים ב׳:ט״ו
ויאמר את ידעת כי לי היתה המלוכה ועלי שמו כל ישראל פניהם למלך ותסב המלוכה ותהי לאחי כי מיהוה היתה לו׃
1 מְלָכִים ב׳:ט״ז
ועתה שאלה אחת אנכי שאל מאתך אל תשבי את פני ותאמר אליו דבר׃
1 מְלָכִים ב׳:י״ז
ויאמר אמרי נא לשלמה המלך כי לא ישיב את פניך ויתן לי את אבישג השונמית לאשה׃
1 מְלָכִים ב׳:י״ח
ותאמר בת שבע טוב אנכי אדבר עליך אל המלך׃
1 מְלָכִים ב׳:י״ט
ותבא בת שבע אל המלך שלמה לדבר לו על אדניהו ויקם המלך לקראתה וישתחו לה וישב על כסאו וישם כסא לאם המלך ותשב לימינו׃
1 מְלָכִים ב׳:כ׳
ותאמר שאלה אחת קטנה אנכי שאלת מאתך אל תשב את פני ויאמר לה המלך שאלי אמי כי לא אשיב את פניך׃
1 מְלָכִים ב׳:כ״א
ותאמר יתן את אבישג השנמית לאדניהו אחיך לאשה׃
1 מְלָכִים ב׳:כ״ב
ויען המלך שלמה ויאמר לאמו ולמה את שאלת את אבישג השנמית לאדניהו ושאלי לו את המלוכה כי הוא אחי הגדול ממני ולו ולאביתר הכהן וליואב בן צרויה׃
1 מְלָכִים ב׳:כ״ג
וישבע המלך שלמה ביהוה לאמר כה יעשה לי אלהים וכה יוסיף כי בנפשו דבר אדניהו את הדבר הזה׃
1 מְלָכִים ב׳:כ״ד
ועתה חי יהוה אשר הכינני ויושיביני על כסא דוד אבי ואשר עשה לי בית כאשר דבר כי היום יומת אדניהו׃
1 מְלָכִים ב׳:כ״ה
וישלח המלך שלמה ביד בניהו בן יהוידע ויפגע בו וימת׃