circa 1446–1406 BC

The Wilderness Years

Forty years of wandering in the desert test Israel's faith and prepare a new generation to enter the promised land.

2,247 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דְּבָרִים כ״ג:ה׳בערך תנ״א לפנה״ס

    ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיך׃

  2. דְּבָרִים כ״ג:ו׳בערך תנ״א לפנה״ס

    לא תדרש שלמם וטבתם כל ימיך לעולם׃

  3. דְּבָרִים כ״ג:ז׳בערך תנ״א לפנה״ס

    לא תתעב אדמי כי אחיך הוא לא תתעב מצרי כי גר היית בארצו׃

  4. דְּבָרִים כ״ג:ח׳בערך תנ״א לפנה״ס

    בנים אשר יולדו להם דור שלישי יבא להם בקהל יהוה׃

  5. דְּבָרִים כ״ג:ט׳בערך תנ״א לפנה״ס

    כי תצא מחנה על איביך ונשמרת מכל דבר רע׃

  6. דְּבָרִים כ״ג:י׳בערך תנ״א לפנה״ס

    כי יהיה בך איש אשר לא יהיה טהור מקרה לילה ויצא אל מחוץ למחנה לא יבא אל תוך המחנה׃

  7. דְּבָרִים כ״ג:י״אבערך תנ״א לפנה״ס

    והיה לפנות ערב ירחץ במים וכבא השמש יבא אל תוך המחנה׃

  8. דְּבָרִים כ״ג:י״בבערך תנ״א לפנה״ס

    ויד תהיה לך מחוץ למחנה ויצאת שמה חוץ׃

  9. דְּבָרִים כ״ג:י״גבערך תנ״א לפנה״ס

    ויתד תהיה לך על אזנך והיה בשבתך חוץ וחפרתה בה ושבת וכסית את צאתך׃

  10. דְּבָרִים כ״ג:י״דבערך תנ״א לפנה״ס

    כי יהוה אלהיך מתהלך בקרב מחנך להצילך ולתת איביך לפניך והיה מחניך קדוש ולא יראה בך ערות דבר ושב מאחריך׃

  11. דְּבָרִים כ״ג:ט״ובערך תנ״א לפנה״ס

    לא תסגיר עבד אל אדניו אשר ינצל אליך מעם אדניו׃

  12. דְּבָרִים כ״ג:ט״זבערך תנ״א לפנה״ס

    עמך ישב בקרבך במקום אשר יבחר באחד שעריך בטוב לו לא תוננו׃

  13. דְּבָרִים כ״ג:י״זבערך תנ״א לפנה״ס

    לא תהיה קדשה מבנות ישראל ולא יהיה קדש מבני ישראל׃

  14. דְּבָרִים כ״ג:י״חבערך תנ״א לפנה״ס

    לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שניהם׃

  15. דְּבָרִים כ״ג:י״טבערך תנ״א לפנה״ס

    לא תשיך לאחיך נשך כסף נשך אכל נשך כל דבר אשר ישך׃

  16. דְּבָרִים כ״ג:כ׳בערך תנ״א לפנה״ס

    לנכרי תשיך ולאחיך לא תשיך למען יברכך יהוה אלהיך בכל משלח ידך על הארץ אשר אתה בא שמה לרשתה׃

  17. דְּבָרִים כ״ג:כ״אבערך תנ״א לפנה״ס

    כי תדר נדר ליהוה אלהיך לא תאחר לשלמו כי דרש ידרשנו יהוה אלהיך מעמך והיה בך חטא׃

  18. דְּבָרִים כ״ג:כ״בבערך תנ״א לפנה״ס

    וכי תחדל לנדר לא יהיה בך חטא׃

  19. דְּבָרִים כ״ג:כ״גבערך תנ״א לפנה״ס

    מוצא שפתיך תשמר ועשית כאשר נדרת ליהוה אלהיך נדבה אשר דברת בפיך׃

  20. דְּבָרִים כ״ג:כ״דבערך תנ״א לפנה״ס

    כי תבא בכרם רעך ואכלת ענבים כנפשך שבעך ואל כליך לא תתן׃

  21. דְּבָרִים כ״ג:כ״הבערך תנ״א לפנה״ס

    כי תבא בקמת רעך וקטפת מלילת בידך וחרמש לא תניף על קמת רעך׃

  22. דְּבָרִים כ״ד:א׳בערך תנ״א לפנה״ס

    ¶ כי יקח איש אשה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושלחה מביתו׃

  23. דְּבָרִים כ״ד:ב׳בערך תנ״א לפנה״ס

    ויצאה מביתו והלכה והיתה לאיש אחר׃

  24. דְּבָרִים כ״ד:ג׳בערך תנ״א לפנה״ס

    ושנאה האיש האחרון וכתב לה ספר כריתת ונתן בידה ושלחה מביתו או כי ימות האיש האחרון אשר לקחה לו לאשה׃

  25. דְּבָרִים כ״ד:ד׳בערך תנ״א לפנה״ס

    לא יוכל בעלה הראשון אשר שלחה לשוב לקחתה להיות לו לאשה אחרי אשר הטמאה כי תועבה הוא לפני יהוה ולא תחטיא את הארץ אשר יהוה אלהיך נתן לך נחלה׃