circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 דִּבְרֵי הַיָּמִים כ״ט:א׳בערך תט״ו לפנה״ס

    ¶ ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים׃

  2. 1 דִּבְרֵי הַיָּמִים כ״ט:ב׳בערך תט״ו לפנה״ס

    וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב׃

  3. 1 דִּבְרֵי הַיָּמִים כ״ט:ג׳בערך תט״ו לפנה״ס

    ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש׃

  4. 1 דִּבְרֵי הַיָּמִים כ״ט:ד׳בערך תט״ו לפנה״ס

    שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים׃

  5. 1 דִּבְרֵי הַיָּמִים כ״ט:ה׳בערך תט״ו לפנה״ס

    לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה׃

  6. 1 דִּבְרֵי הַיָּמִים כ״ט:ו׳בערך תט״ו לפנה״ס

    ויתנדבו שרי האבות ושרי שבטי ישראל ושרי האלפים והמאות ולשרי מלאכת המלך׃

  7. 1 דִּבְרֵי הַיָּמִים כ״ט:ז׳בערך תט״ו לפנה״ס

    ויתנו לעבודת בית האלהים זהב ככרים חמשת אלפים ואדרכנים רבו וכסף ככרים עשרת אלפים ונחשת רבו ושמונת אלפים ככרים וברזל מאה אלף ככרים׃

  8. 1 דִּבְרֵי הַיָּמִים כ״ט:ח׳בערך תט״ו לפנה״ס

    והנמצא אתו אבנים נתנו לאוצר בית יהוה על יד יחיאל הגרשני׃

  9. 1 דִּבְרֵי הַיָּמִים כ״ט:ט׳בערך תט״ו לפנה״ס

    וישמחו העם על התנדבם כי בלב שלם התנדבו ליהוה וגם דויד המלך שמח שמחה גדולה׃

  10. 1 דִּבְרֵי הַיָּמִים כ״ט:י׳בערך תט״ו לפנה״ס

    ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם׃

  11. 1 דִּבְרֵי הַיָּמִים כ״ט:י״אבערך תט״ו לפנה״ס

    לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃

  12. 1 דִּבְרֵי הַיָּמִים כ״ט:י״בבערך תט״ו לפנה״ס

    והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

  13. 1 דִּבְרֵי הַיָּמִים כ״ט:י״גבערך תט״ו לפנה״ס

    ועתה אלהינו מודים אנחנו לך ומהללים לשם תפארתך׃

  14. 1 דִּבְרֵי הַיָּמִים כ״ט:י״דבערך תט״ו לפנה״ס

    וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃

  15. 1 דִּבְרֵי הַיָּמִים כ״ט:ט״ובערך תט״ו לפנה״ס

    כי גרים אנחנו לפניך ותושבים ככל אבתינו כצל ימינו על הארץ ואין מקוה׃

  16. 1 דִּבְרֵי הַיָּמִים כ״ט:ט״זבערך תט״ו לפנה״ס

    יהוה אלהינו כל ההמון הזה אשר הכיננו לבנות לך בית לשם קדשך מידך היא ולך הכל׃

  17. 1 דִּבְרֵי הַיָּמִים כ״ט:י״זבערך תט״ו לפנה״ס

    וידעתי אלהי כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך׃

  18. 1 דִּבְרֵי הַיָּמִים כ״ט:י״חבערך תט״ו לפנה״ס

    יהוה אלהי אברהם יצחק וישראל אבתינו שמרה זאת לעולם ליצר מחשבות לבב עמך והכן לבבם אליך׃

  19. 1 דִּבְרֵי הַיָּמִים כ״ט:י״טבערך תט״ו לפנה״ס

    ולשלמה בני תן לבב שלם לשמור מצותיך עדותיך וחקיך ולעשות הכל ולבנות הבירה אשר הכינותי׃

  20. 1 דִּבְרֵי הַיָּמִים כ״ט:כ׳בערך תט״ו לפנה״ס

    ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך׃

  21. 1 דִּבְרֵי הַיָּמִים כ״ט:כ״אבערך תט״ו לפנה״ס

    ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשים אלף ונסכיהם וזבחים לרב לכל ישראל׃

  22. 1 דִּבְרֵי הַיָּמִים כ״ט:כ״בבערך תט״ו לפנה״ס

    ויאכלו וישתו לפני יהוה ביום ההוא בשמחה גדולה וימליכו שנית לשלמה בן דויד וימשחו ליהוה לנגיד ולצדוק לכהן׃

  23. 1 דִּבְרֵי הַיָּמִים כ״ט:כ״גבערך תט״ו לפנה״ס

    וישב שלמה על כסא יהוה למלך תחת דויד אביו ויצלח וישמעו אליו כל ישראל׃

  24. 1 דִּבְרֵי הַיָּמִים כ״ט:כ״דבערך תט״ו לפנה״ס

    וכל השרים והגברים וגם כל בני המלך דויד נתנו יד תחת שלמה המלך׃

  25. 1 דִּבְרֵי הַיָּמִים כ״ט:כ״הבערך תט״ו לפנה״ס

    ויגדל יהוה את שלמה למעלה לעיני כל ישראל ויתן עליו הוד מלכות אשר לא היה על כל מלך לפניו על ישראל׃