circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 דִּבְרֵי הַיָּמִים כ״ז:ל״אבערך תט״ו לפנה״ס

    ועל הצאן יזיז ההגרי כל אלה שרי הרכוש אשר למלך דויד׃

  2. 1 דִּבְרֵי הַיָּמִים כ״ז:ל״בבערך תט״ו לפנה״ס

    ויהונתן דוד דויד יועץ איש מבין וסופר הוא ויחיאל בן חכמוני עם בני המלך׃

  3. 1 דִּבְרֵי הַיָּמִים כ״ז:ל״גבערך תט״ו לפנה״ס

    ואחיתפל יועץ למלך וחושי הארכי רע המלך׃

  4. 1 דִּבְרֵי הַיָּמִים כ״ז:ל״דבערך תט״ו לפנה״ס

    ואחרי אחיתפל יהוידע בן בניהו ואביתר ושר צבא למלך יואב׃

  5. 1 דִּבְרֵי הַיָּמִים כ״ח:א׳בערך תט״ו לפנה״ס

    ¶ ויקהל דויד את כל שרי ישראל שרי השבטים ושרי המחלקות המשרתים את המלך ושרי האלפים ושרי המאות ושרי כל רכוש ומקנה למלך ולבניו עם הסריסים והגבורים ולכל גבור חיל אל ירושלם׃

  6. 1 דִּבְרֵי הַיָּמִים כ״ח:ב׳בערך תט״ו לפנה״ס

    ויקם דויד המלך על רגליו ויאמר שמעוני אחי ועמי אני עם לבבי לבנות בית מנוחה לארון ברית יהוה ולהדם רגלי אלהינו והכינותי לבנות׃

  7. 1 דִּבְרֵי הַיָּמִים כ״ח:ג׳בערך תט״ו לפנה״ס

    והאלהים אמר לי לא תבנה בית לשמי כי איש מלחמות אתה ודמים שפכת׃

  8. 1 דִּבְרֵי הַיָּמִים כ״ח:ד׳בערך תט״ו לפנה״ס

    ויבחר יהוה אלהי ישראל בי מכל בית אבי להיות למלך על ישראל לעולם כי ביהודה בחר לנגיד ובבית יהודה בית אבי ובבני אבי בי רצה להמליך על כל ישראל׃

  9. 1 דִּבְרֵי הַיָּמִים כ״ח:ה׳בערך תט״ו לפנה״ס

    ומכל בני כי רבים בנים נתן לי יהוה ויבחר בשלמה בני לשבת על כסא מלכות יהוה על ישראל׃

  10. 1 דִּבְרֵי הַיָּמִים כ״ח:ו׳בערך תט״ו לפנה״ס

    ויאמר לי שלמה בנך הוא יבנה ביתי וחצרותי כי בחרתי בו לי לבן ואני אהיה לו לאב׃

  11. 1 דִּבְרֵי הַיָּמִים כ״ח:ז׳בערך תט״ו לפנה״ס

    והכינותי את מלכותו עד לעולם אם יחזק לעשות מצותי ומשפטי כיום הזה׃

  12. 1 דִּבְרֵי הַיָּמִים כ״ח:ח׳בערך תט״ו לפנה״ס

    ועתה לעיני כל ישראל קהל יהוה ובאזני אלהינו שמרו ודרשו כל מצות יהוה אלהיכם למען תירשו את הארץ הטובה והנחלתם לבניכם אחריכם עד עולם׃

  13. 1 דִּבְרֵי הַיָּמִים כ״ח:ט׳בערך תט״ו לפנה״ס

    ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

  14. 1 דִּבְרֵי הַיָּמִים כ״ח:י׳בערך תט״ו לפנה״ס

    ראה עתה כי יהוה בחר בך לבנות בית למקדש חזק ועשה׃

  15. 1 דִּבְרֵי הַיָּמִים כ״ח:י״אבערך תט״ו לפנה״ס

    ויתן דויד לשלמה בנו את תבנית האולם ואת בתיו וגנזכיו ועליתיו וחדריו הפנימים ובית הכפרת׃

  16. 1 דִּבְרֵי הַיָּמִים כ״ח:י״בבערך תט״ו לפנה״ס

    ותבנית כל אשר היה ברוח עמו לחצרות בית יהוה ולכל הלשכות סביב לאצרות בית האלהים ולאצרות הקדשים׃

  17. 1 דִּבְרֵי הַיָּמִים כ״ח:י״גבערך תט״ו לפנה״ס

    ולמחלקות הכהנים והלוים ולכל מלאכת עבודת בית יהוה ולכל כלי עבודת בית יהוה׃

  18. 1 דִּבְרֵי הַיָּמִים כ״ח:י״דבערך תט״ו לפנה״ס

    לזהב במשקל לזהב לכל כלי עבודה ועבודה לכל כלי הכסף במשקל לכל כלי עבודה ועבודה׃

  19. 1 דִּבְרֵי הַיָּמִים כ״ח:ט״ובערך תט״ו לפנה״ס

    ומשקל למנרות הזהב ונרתיהם זהב במשקל מנורה ומנורה ונרתיה ולמנרות הכסף במשקל למנורה ונרתיה כעבודת מנורה ומנורה׃

  20. 1 דִּבְרֵי הַיָּמִים כ״ח:ט״זבערך תט״ו לפנה״ס

    ואת הזהב משקל לשלחנות המערכת לשלחן ושלחן וכסף לשלחנות הכסף׃

  21. 1 דִּבְרֵי הַיָּמִים כ״ח:י״זבערך תט״ו לפנה״ס

    והמזלגות והמזרקות והקשות זהב טהור ולכפורי הזהב במשקל לכפור וכפור ולכפורי הכסף במשקל לכפור וכפור׃

  22. 1 דִּבְרֵי הַיָּמִים כ״ח:י״חבערך תט״ו לפנה״ס

    ולמזבח הקטרת זהב מזקק במשקל ולתבנית המרכבה הכרבים זהב לפרשים וסככים על ארון ברית יהוה׃

  23. 1 דִּבְרֵי הַיָּמִים כ״ח:י״טבערך תט״ו לפנה״ס

    הכל בכתב מיד יהוה עלי השכיל כל מלאכות התבנית׃

  24. 1 דִּבְרֵי הַיָּמִים כ״ח:כ׳בערך תט״ו לפנה״ס

    ויאמר דויד לשלמה בנו חזק ואמץ ועשה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה׃

  25. 1 דִּבְרֵי הַיָּמִים כ״ח:כ״אבערך תט״ו לפנה״ס

    והנה מחלקות הכהנים והלוים לכל עבודת בית האלהים ועמך בכל מלאכה לכל נדיב בחכמה לכל עבודה והשרים וכל העם לכל דבריך׃