circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שְׁמֹות ל״ב:י׳בערך תצ״א לפנה״ס

    ועתה הניחה לי ויחר אפי בהם ואכלם ואעשה אותך לגוי גדול׃

  2. שְׁמֹות ל״ב:י״אבערך תצ״א לפנה״ס

    ויחל משה את פני יהוה אלהיו ויאמר למה יהוה יחרה אפך בעמך אשר הוצאת מארץ מצרים בכח גדול וביד חזקה׃

  3. שְׁמֹות ל״ב:י״בבערך תצ״א לפנה״ס

    למה יאמרו מצרים לאמר ברעה הוציאם להרג אתם בהרים ולכלתם מעל פני האדמה שוב מחרון אפך והנחם על הרעה לעמך׃

  4. שְׁמֹות ל״ב:י״גבערך תצ״א לפנה״ס

    זכר לאברהם ליצחק ולישראל עבדיך אשר נשבעת להם בך ותדבר אלהם ארבה את זרעכם ככוכבי השמים וכל הארץ הזאת אשר אמרתי אתן לזרעכם ונחלו לעלם׃

  5. שְׁמֹות ל״ב:י״דבערך תצ״א לפנה״ס

    וינחם יהוה על הרעה אשר דבר לעשות לעמו׃

  6. שְׁמֹות ל״ב:ט״ובערך תצ״א לפנה״ס

    ויפן וירד משה מן ההר ושני לחת העדת בידו לחת כתבים משני עבריהם מזה ומזה הם כתבים׃

  7. שְׁמֹות ל״ב:ט״זבערך תצ״א לפנה״ס

    והלחת מעשה אלהים המה והמכתב מכתב אלהים הוא חרות על הלחת׃

  8. שְׁמֹות ל״ב:י״זבערך תצ״א לפנה״ס

    וישמע יהושע את קול העם ברעה ויאמר אל משה קול מלחמה במחנה׃

  9. שְׁמֹות ל״ב:י״חבערך תצ״א לפנה״ס

    ויאמר אין קול ענות גבורה ואין קול ענות חלושה קול ענות אנכי שמע׃

  10. שְׁמֹות ל״ב:י״טבערך תצ״א לפנה״ס

    ויהי כאשר קרב אל המחנה וירא את העגל ומחלת ויחר אף משה וישלך מידו את הלחת וישבר אתם תחת ההר׃

  11. שְׁמֹות ל״ב:כ׳בערך תצ״א לפנה״ס

    ויקח את העגל אשר עשו וישרף באש ויטחן עד אשר דק ויזר על פני המים וישק את בני ישראל׃

  12. שְׁמֹות ל״ב:כ״אבערך תצ״א לפנה״ס

    ויאמר משה אל אהרן מה עשה לך העם הזה כי הבאת עליו חטאה גדלה׃

  13. שְׁמֹות ל״ב:כ״בבערך תצ״א לפנה״ס

    ויאמר אהרן אל יחר אף אדני אתה ידעת את העם כי ברע הוא׃

  14. שְׁמֹות ל״ב:כ״גבערך תצ״א לפנה״ס

    ויאמרו לי עשה לנו אלהים אשר ילכו לפנינו כי זה משה האיש אשר העלנו מארץ מצרים לא ידענו מה היה לו׃

  15. שְׁמֹות ל״ב:כ״דבערך תצ״א לפנה״ס

    ואמר להם למי זהב התפרקו ויתנו לי ואשלכהו באש ויצא העגל הזה׃

  16. שְׁמֹות ל״ב:כ״הבערך תצ״א לפנה״ס

    וירא משה את העם כי פרע הוא כי פרעה אהרן לשמצה בקמיהם׃

  17. שְׁמֹות ל״ב:כ״ובערך תצ״א לפנה״ס

    ויעמד משה בשער המחנה ויאמר מי ליהוה אלי ויאספו אליו כל בני לוי׃

  18. שְׁמֹות ל״ב:כ״זבערך תצ״א לפנה״ס

    ויאמר להם כה אמר יהוה אלהי ישראל שימו איש חרבו על ירכו עברו ושובו משער לשער במחנה והרגו איש את אחיו ואיש את רעהו ואיש את קרבו׃

  19. שְׁמֹות ל״ב:כ״חבערך תצ״א לפנה״ס

    ויעשו בני לוי כדבר משה ויפל מן העם ביום ההוא כשלשת אלפי איש׃

  20. שְׁמֹות ל״ב:כ״טבערך תצ״א לפנה״ס

    ויאמר משה מלאו ידכם היום ליהוה כי איש בבנו ובאחיו ולתת עליכם היום ברכה׃

  21. שְׁמֹות ל״ב:ל׳בערך תצ״א לפנה״ס

    ויהי ממחרת ויאמר משה אל העם אתם חטאתם חטאה גדלה ועתה אעלה אל יהוה אולי אכפרה בעד חטאתכם׃

  22. שְׁמֹות ל״ב:ל״אבערך תצ״א לפנה״ס

    וישב משה אל יהוה ויאמר אנא חטא העם הזה חטאה גדלה ויעשו להם אלהי זהב׃

  23. שְׁמֹות ל״ב:ל״בבערך תצ״א לפנה״ס

    ועתה אם תשא חטאתם ואם אין מחני נא מספרך אשר כתבת׃

  24. שְׁמֹות ל״ב:ל״גבערך תצ״א לפנה״ס

    ויאמר יהוה אל משה מי אשר חטא לי אמחנו מספרי׃

  25. שְׁמֹות ל״ב:ל״דבערך תצ״א לפנה״ס

    ועתה לך נחה את העם אל אשר דברתי לך הנה מלאכי ילך לפניך וביום פקדי ופקדתי עליהם חטאתם׃