Babylon

255 verses · 3 known names

ידוע גם בשם: Babylon's, Sheshach

32.5300, 44.4200 הצג במפות גוגל

פסוקים המזכירים את Babylon

סינון לפי ספר
  1. יְשַׁעְיָהוּ י״ד:ד׳

    ונשאת המשל הזה על מלך בבל ואמרת איך שבת נגש שבתה מדהבה׃

  2. יְשַׁעְיָהוּ י״ד:כ״ב

    וקמתי עליהם נאם יהוה צבאות והכרתי לבבל שם ושאר ונין ונכד נאם יהוה׃

  3. יְשַׁעְיָהוּ כ״א:ט׳

    והנה זה בא רכב איש צמד פרשים ויען ויאמר נפלה נפלה בבל וכל פסילי אלהיה שבר לארץ׃

  4. יְשַׁעְיָהוּ ל״ט:א׳

    ¶ בעת ההיא שלח מרדך בלאדן בן בלאדן מלך בבל ספרים ומנחה אל חזקיהו וישמע כי חלה ויחזק׃

  5. יְשַׁעְיָהוּ ל״ט:ג׳

    ויבא ישעיהו הנביא אל המלך חזקיהו ויאמר אליו מה אמרו האנשים האלה ומאין יבאו אליך ויאמר חזקיהו מארץ רחוקה באו אלי מבבל׃

  6. יְשַׁעְיָהוּ ל״ט:ו׳

    הנה ימים באים ונשא כל אשר בביתך ואשר אצרו אבתיך עד היום הזה בבל לא יותר דבר אמר יהוה׃

  7. יְשַׁעְיָהוּ ל״ט:ז׳

    ומבניך אשר יצאו ממך אשר תוליד יקחו והיו סריסים בהיכל מלך בבל׃

  8. יְשַׁעְיָהוּ מ״ג:י״ד

    כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם׃

  9. יְשַׁעְיָהוּ מ״ז:א׳

    ¶ רדי ושבי על עפר בתולת בת בבל שבי לארץ אין כסא בת כשדים כי לא תוסיפי יקראו לך רכה וענגה׃

  10. יְשַׁעְיָהוּ מ״ח:י״ד

    הקבצו כלכם ושמעו מי בהם הגיד את אלה יהוה אהבו יעשה חפצו בבבל וזרעו כשדים׃

  11. יְשַׁעְיָהוּ מ״ח:כ׳

    צאו מבבל ברחו מכשדים בקול רנה הגידו השמיעו זאת הוציאוה עד קצה הארץ אמרו גאל יהוה עבדו יעקב׃

  12. יִרְמְיָהוּ כ׳:ד׳

    כי כה אמר יהוה הנני נתנך למגור לך ולכל אהביך ונפלו בחרב איביהם ועיניך ראות ואת כל יהודה אתן ביד מלך בבל והגלם בבלה והכם בחרב׃

  13. יִרְמְיָהוּ כ׳:ה׳

    ונתתי את כל חסן העיר הזאת ואת כל יגיעה ואת כל יקרה ואת כל אוצרות מלכי יהודה אתן ביד איביהם ובזזום ולקחום והביאום בבלה׃

  14. יִרְמְיָהוּ כ׳:ו׳

    ואתה פשחור וכל ישבי ביתך תלכו בשבי ובבל תבוא ושם תמות ושם תקבר אתה וכל אהביך אשר נבאת להם בשקר׃

  15. יִרְמְיָהוּ כ״א:ב׳

    דרש נא בעדנו את יהוה כי נבוכדראצר מלך בבל נלחם עלינו אולי יעשה יהוה אותנו ככל נפלאתיו ויעלה מעלינו׃

  16. יִרְמְיָהוּ כ״א:ד׳

    כה אמר יהוה אלהי ישראל הנני מסב את כלי המלחמה אשר בידכם אשר אתם נלחמים בם את מלך בבל ואת הכשדים הצרים עליכם מחוץ לחומה ואספתי אותם אל תוך העיר הזאת׃

  17. יִרְמְיָהוּ כ״א:ז׳

    ואחרי כן נאם יהוה אתן את צדקיהו מלך יהודה ואת עבדיו ואת העם ואת הנשארים בעיר הזאת מן הדבר מן החרב ומן הרעב ביד נבוכדראצר מלך בבל וביד איביהם וביד מבקשי נפשם והכם לפי חרב לא יחוס עליהם ולא יחמל ולא ירחם׃

  18. יִרְמְיָהוּ כ״א:י׳

    כי שמתי פני בעיר הזאת לרעה ולא לטובה נאם יהוה ביד מלך בבל תנתן ושרפה באש׃

  19. יִרְמְיָהוּ כ״ב:כ״ה

    ונתתיך ביד מבקשי נפשך וביד אשר אתה יגור מפניהם וביד נבוכדראצר מלך בבל וביד הכשדים׃

  20. יִרְמְיָהוּ כ״ד:א׳

    ¶ הראני יהוה והנה שני דודאי תאנים מועדים לפני היכל יהוה אחרי הגלות נבוכדראצר מלך בבל את יכניהו בן יהויקים מלך יהודה ואת שרי יהודה ואת החרש ואת המסגר מירושלם ויבאם בבל׃

  21. יִרְמְיָהוּ כ״ה:א׳

    ¶ הדבר אשר היה על ירמיהו על כל עם יהודה בשנה הרבעית ליהויקים בן יאשיהו מלך יהודה היא השנה הראשנית לנבוכדראצר מלך בבל׃

  22. יִרְמְיָהוּ כ״ה:ט׳

    הנני שלח ולקחתי את כל משפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישביה ועל כל הגוים האלה סביב והחרמתים ושמתים לשמה ולשרקה ולחרבות עולם׃

  23. יִרְמְיָהוּ כ״ה:י״א

    והיתה כל הארץ הזאת לחרבה לשמה ועבדו הגוים האלה את מלך בבל שבעים שנה׃

  24. יִרְמְיָהוּ כ״ה:י״ב

    והיה כמלאות שבעים שנה אפקד על מלך בבל ועל הגוי ההוא נאם יהוה את עונם ועל ארץ כשדים ושמתי אתו לשממות עולם׃

  25. יִרְמְיָהוּ כ״ה:כ״ו

    ואת כל מלכי הצפון הקרבים והרחקים איש אל אחיו ואת כל הממלכות הארץ אשר על פני האדמה ומלך ששך ישתה אחריהם׃