Jesus

ויגע בעיניהם ויאמר יעשה לכם כאמונתכם׃

ותפקחנה עיניהם ויגער בם ישוע ויאמר ראו פן יודע לאיש׃

והמה בצאתם השמיעו את שמעו בכל הארץ ההיא׃

המה יצאו והנה הביאו אליו איש אלם אחוז שד׃

ויסב ישוע בכל הערים והכפרים וילמד בבתי כנסיותיהם ויבשר בשורת המלכות וירפא כל מחלה וכל מדוה בעם׃

ובראותו את ההמנים נכמרו רחמיו עליהם כי הם מתעלפים ונדחים כצאן אשר אין להם רעה׃

אז ידבר לתלמדידיו ויאמר רב הקציר והפעלים מעטים׃

לכן התחננו אל בעל הקציר לשלח פעלים לקצירו׃

¶ ויקרא אליו את שנים עשר תלמידיו ויתן להם שלטן על רוחות הטמאה לגרשם ולרפוא כל חלי וכל מדוה׃

שמעון הקני ויהודה איש קריות אשר גם מסר אתו׃

את שנים העשר האלה שלח ישוע ויצו אתם לאמר אל דרך הגוים אל תלכו ואל עיר השמרונים אל תבאו׃

אמן אמר אני לכם כי יקל לארץ סדום ועמרה ביום הדין מן העיר ההיא׃

הנני שלח אתכם ככבשים בין הזאבים לכן היו ערומים כנחשים ותמימים כיונים׃

ולפני משלים ומלכים תובאו למעני לעדות להם ולגוים׃

והייתם שנואים לכל אדם למען שמי והמחכה עד עת קץ הוא יושע׃

ואם ירדפו אתכם בעיר אחת נוסו לעיר אחרת כי אמן אמר אני לכם לא תכלו לעבר ערי ישראל עד כי יבוא בן האדם׃

את אשר אני אמר לכם בחשך דברו באור ואשר ילחש לאזניכם השמיעו על הגגות׃

הן כל אשר יודה בי לפני האדם אודה בו גם אני לפני אבי שבשמים׃

ואשר יכחש בי לפני האדם אכחש בו גם אני לפני אבי שבשמים׃

אל תחשבו כי באתי להטיל שלום בארץ לא באתי להטיל שלום כי אם חרב׃

כי באתי להפריד איש מאביו ובת מאמה וכלה מחמותה׃

האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי׃

ואשר לא יקח את צלבו והלך אחרי איננו כדי לי׃

המצא את נפשו יאבדנה והמאבד את נפשו למעני הוא ימצאנה׃

המקבל אתכם אותי הוא מקבל והמקבל אותי הוא מקבל את אשר שלחני׃