עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל מ״ד:כ״ג

    ואת עמי יורו בין קדש לחל ובין טמא לטהור יודעם׃

  2. יְחֶזְקֵאל מ״ד:כ״ד

    ועל ריב המה יעמדו לשפט במשפטי ושפטהו ואת תורתי ואת חקתי בכל מועדי ישמרו ואת שבתותי יקדשו׃

  3. יְחֶזְקֵאל מ״ד:כ״ז

    וביום באו אל הקדש אל החצר הפנימית לשרת בקדש יקריב חטאתו נאם אדני יהוה׃

  4. יְחֶזְקֵאל מ״ד:כ״ח

    והיתה להם לנחלה אני נחלתם ואחזה לא תתנו להם בישראל אני אחזתם׃

  5. יְחֶזְקֵאל מ״ה:א׳

    ¶ ובהפילכם את הארץ בנחלה תרימו תרומה ליהוה קדש מן הארץ ארך חמשה ועשרים אלף ארך ורחב עשרה אלף קדש הוא בכל גבולה סביב׃

  6. יְחֶזְקֵאל מ״ה:ד׳

    קדש מן הארץ הוא לכהנים משרתי המקדש יהיה הקרבים לשרת את יהוה והיה להם מקום לבתים ומקדש למקדש׃

  7. יְחֶזְקֵאל מ״ה:ח׳

    לארץ יהיה לו לאחזה בישראל ולא יונו עוד נשיאי את עמי והארץ יתנו לבית ישראל לשבטיהם׃

  8. יְחֶזְקֵאל מ״ה:ט׳

    כה אמר אדני יהוה רב לכם נשיאי ישראל חמס ושד הסירו ומשפט וצדקה עשו הרימו גרשתיכם מעל עמי נאם אדני יהוה׃

  9. יְחֶזְקֵאל מ״ה:ט״ו

    ושה אחת מן הצאן מן המאתים ממשקה ישראל למנחה ולעולה ולשלמים לכפר עליהם נאם אדני יהוה׃

  10. יְחֶזְקֵאל מ״ה:י״ח

    כה אמר אדני יהוה בראשון באחד לחדש תקח פר בן בקר תמים וחטאת את המקדש׃

  11. יְחֶזְקֵאל מ״ה:כ״ג

    ושבעת ימי החג יעשה עולה ליהוה שבעת פרים ושבעת אילים תמימם ליום שבעת הימים וחטאת שעיר עזים ליום׃

  12. יְחֶזְקֵאל מ״ו:א׳

    ¶ כה אמר אדני יהוה שער החצר הפנימית הפנה קדים יהיה סגור ששת ימי המעשה וביום השבת יפתח וביום החדש יפתח׃

  13. יְחֶזְקֵאל מ״ו:ג׳

    והשתחוו עם הארץ פתח השער ההוא בשבתות ובחדשים לפני יהוה׃

  14. יְחֶזְקֵאל מ״ו:ד׳

    והעלה אשר יקרב הנשיא ליהוה ביום השבת ששה כבשים תמימם ואיל תמים׃

  15. יְחֶזְקֵאל מ״ו:ט׳

    ובבוא עם הארץ לפני יהוה במועדים הבא דרך שער צפון להשתחות יצא דרך שער נגב והבא דרך שער נגב יצא דרך שער צפונה לא ישוב דרך השער אשר בא בו כי נכחו יצאו׃

  16. יְחֶזְקֵאל מ״ו:י״ב

    וכי יעשה הנשיא נדבה עולה או שלמים נדבה ליהוה ופתח לו את השער הפנה קדים ועשה את עלתו ואת שלמיו כאשר יעשה ביום השבת ויצא וסגר את השער אחרי צאתו׃

  17. יְחֶזְקֵאל מ״ו:י״ג

    וכבש בן שנתו תמים תעשה עולה ליום ליהוה בבקר בבקר תעשה אתו׃

  18. יְחֶזְקֵאל מ״ו:י״ד

    ומנחה תעשה עליו בבקר בבקר ששית האיפה ושמן שלישית ההין לרס את הסלת מנחה ליהוה חקות עולם תמיד׃

  19. יְחֶזְקֵאל מ״ו:ט״ז

    כה אמר אדני יהוה כי יתן הנשיא מתנה לאיש מבניו נחלתו היא לבניו תהיה אחזתם היא בנחלה׃

  20. יְחֶזְקֵאל מ״ו:י״ח

    ולא יקח הנשיא מנחלת העם להונתם מאחזתם מאחזתו ינחל את בניו למען אשר לא יפצו עמי איש מאחזתו׃

  21. יְחֶזְקֵאל מ״ז:ה׳

    וימד אלף נחל אשר לא אוכל לעבר כי גאו המים מי שחו נחל אשר לא יעבר׃

  22. יְחֶזְקֵאל מ״ז:ז׳

    בשובני והנה אל שפת הנחל עץ רב מאד מזה ומזה׃

  23. יְחֶזְקֵאל מ״ז:י״ג

    כה אמר אדני יהוה גה גבול אשר תתנחלו את הארץ לשני עשר שבטי ישראל יוסף חבלים׃

  24. יְחֶזְקֵאל מ״ז:י״ד

    ונחלתם אותה איש כאחיו אשר נשאתי את ידי לתתה לאבתיכם ונפלה הארץ הזאת לכם בנחלה׃

  25. יְחֶזְקֵאל מ״ז:כ״ג

    והיה בשבט אשר גר הגר אתו שם תתנו נחלתו נאם אדני יהוה׃