עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל ל״ט:ו׳

    ושלחתי אש במגוג ובישבי האיים לבטח וידעו כי אני יהוה׃

  2. יְחֶזְקֵאל ל״ט:ז׳

    ואת שם קדשי אודיע בתוך עמי ישראל ולא אחל את שם קדשי עוד וידעו הגוים כי אני יהוה קדוש בישראל׃

  3. יְחֶזְקֵאל ל״ט:ח׳

    הנה באה ונהיתה נאם אדני יהוה הוא היום אשר דברתי׃

  4. יְחֶזְקֵאל ל״ט:י׳

    ולא ישאו עצים מן השדה ולא יחטבו מן היערים כי בנשק יבערו אש ושללו את שלליהם ובזזו את בזזיהם נאם אדני יהוה׃

  5. יְחֶזְקֵאל ל״ט:י״א

    והיה ביום ההוא אתן לגוג מקום שם קבר בישראל גי העברים קדמת הים וחסמת היא את העברים וקברו שם את גוג ואת כל המונה וקראו גיא המון גוג׃

  6. יְחֶזְקֵאל ל״ט:י״ג

    וקברו כל עם הארץ והיה להם לשם יום הכבדי נאם אדני יהוה׃

  7. יְחֶזְקֵאל ל״ט:י״ז

    ואתה בן אדם כה אמר אדני יהוה אמר לצפור כל כנף ולכל חית השדה הקבצו ובאו האספו מסביב על זבחי אשר אני זבח לכם זבח גדול על הרי ישראל ואכלתם בשר ושתיתם דם׃

  8. יְחֶזְקֵאל ל״ט:י״ט

    ואכלתם חלב לשבעה ושתיתם דם לשכרון מזבחי אשר זבחתי לכם׃

  9. יְחֶזְקֵאל ל״ט:כ׳

    ושבעתם על שלחני סוס ורכב גבור וכל איש מלחמה נאם אדני יהוה׃

  10. יְחֶזְקֵאל ל״ט:כ״א

    ונתתי את כבודי בגוים וראו כל הגוים את משפטי אשר עשיתי ואת ידי אשר שמתי בהם׃

  11. יְחֶזְקֵאל ל״ט:כ״ב

    וידעו בית ישראל כי אני יהוה אלהיהם מן היום ההוא והלאה׃

  12. יְחֶזְקֵאל ל״ט:כ״ג

    וידעו הגוים כי בעונם גלו בית ישראל על אשר מעלו בי ואסתר פני מהם ואתנם ביד צריהם ויפלו בחרב כלם׃

  13. יְחֶזְקֵאל ל״ט:כ״ד

    כטמאתם וכפשעיהם עשיתי אתם ואסתר פני מהם׃

  14. יְחֶזְקֵאל ל״ט:כ״ה

    לכן כה אמר אדני יהוה עתה אשיב את שבית יעקב ורחמתי כל בית ישראל וקנאתי לשם קדשי׃

  15. יְחֶזְקֵאל ל״ט:כ״ו

    ונשו את כלמתם ואת כל מעלם אשר מעלו בי בשבתם על אדמתם לבטח ואין מחריד׃

  16. יְחֶזְקֵאל ל״ט:כ״ז

    בשובבי אותם מן העמים וקבצתי אתם מארצות איביהם ונקדשתי בם לעיני הגוים רבים׃

  17. יְחֶזְקֵאל ל״ט:כ״ח

    וידעו כי אני יהוה אלהיהם בהגלותי אתם אל הגוים וכנסתים על אדמתם ולא אותיר עוד מהם שם׃

  18. יְחֶזְקֵאל ל״ט:כ״ט

    ולא אסתיר עוד פני מהם אשר שפכתי את רוחי על בית ישראל נאם אדני יהוה׃

  19. יְחֶזְקֵאל מ׳:א׳

    ¶ בעשרים וחמש שנה לגלותנו בראש השנה בעשור לחדש בארבע עשרה שנה אחר אשר הכתה העיר בעצם היום הזה היתה עלי יד יהוה ויבא אתי שמה׃

  20. יְחֶזְקֵאל מ׳:ב׳

    במראות אלהים הביאני אל ארץ ישראל ויניחני אל הר גבה מאד ועליו כמבנה עיר מנגב׃

  21. יְחֶזְקֵאל מ׳:ג׳

    ויביא אותי שמה והנה איש מראהו כמראה נחשת ופתיל פשתים בידו וקנה המדה והוא עמד בשער׃

  22. יְחֶזְקֵאל מ׳:מ״ו

    והלשכה אשר פניה דרך הצפון לכהנים שמרי משמרת המזבח המה בני צדוק הקרבים מבני לוי אל יהוה לשרתו׃

  23. יְחֶזְקֵאל מ״א:כ״ב

    המזבח עץ שלוש אמות גבה וארכו שתים אמות ומקצעותיו לו וארכו וקירתיו עץ וידבר אלי זה השלחן אשר לפני יהוה׃

  24. יְחֶזְקֵאל מ״ב:י״ג

    ויאמר אלי לשכות הצפון לשכות הדרום אשר אל פני הגזרה הנה לשכות הקדש אשר יאכלו שם הכהנים אשר קרובים ליהוה קדשי הקדשים שם יניחו קדשי הקדשים והמנחה והחטאת והאשם כי המקום קדש׃

  25. יְחֶזְקֵאל מ״ג:ב׳

    והנה כבוד אלהי ישראל בא מדרך הקדים וקולו כקול מים רבים והארץ האירה מכבדו׃