עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל ל״ז:כ״ג

    ולא יטמאו עוד בגלוליהם ובשקוציהם ובכל פשעיהם והושעתי אתם מכל מושבתיהם אשר חטאו בהם וטהרתי אותם והיו לי לעם ואני אהיה להם לאלהים׃

  2. יְחֶזְקֵאל ל״ז:כ״ד

    ועבדי דוד מלך עליהם ורועה אחד יהיה לכלם ובמשפטי ילכו וחקתי ישמרו ועשו אותם׃

  3. יְחֶזְקֵאל ל״ז:כ״ה

    וישבו על הארץ אשר נתתי לעבדי ליעקב אשר ישבו בה אבותיכם וישבו עליה המה ובניהם ובני בניהם עד עולם ודוד עבדי נשיא להם לעולם׃

  4. יְחֶזְקֵאל ל״ז:כ״ו

    וכרתי להם ברית שלום ברית עולם יהיה אותם ונתתים והרביתי אותם ונתתי את מקדשי בתוכם לעולם׃

  5. יְחֶזְקֵאל ל״ז:כ״ז

    והיה משכני עליהם והייתי להם לאלהים והמה יהיו לי לעם׃

  6. יְחֶזְקֵאל ל״ז:כ״ח

    וידעו הגוים כי אני יהוה מקדש את ישראל בהיות מקדשי בתוכם לעולם׃

  7. יְחֶזְקֵאל ל״ח:א׳

    ¶ ויהי דבר יהוה אלי לאמר׃

  8. יְחֶזְקֵאל ל״ח:ג׳

    ואמרת כה אמר אדני יהוה הנני אליך גוג נשיא ראש משך ותבל׃

  9. יְחֶזְקֵאל ל״ח:ד׳

    ושובבתיך ונתתי חחים בלחייך והוצאתי אותך ואת כל חילך סוסים ופרשים לבשי מכלול כלם קהל רב צנה ומגן תפשי חרבות כלם׃

  10. יְחֶזְקֵאל ל״ח:י׳

    כה אמר אדני יהוה והיה ביום ההוא יעלו דברים על לבבך וחשבת מחשבת רעה׃

  11. יְחֶזְקֵאל ל״ח:י״א

    ואמרת אעלה על ארץ פרזות אבוא השקטים ישבי לבטח כלם ישבים באין חומה ובריח ודלתים אין להם׃

  12. יְחֶזְקֵאל ל״ח:י״ד

    לכן הנבא בן אדם ואמרת לגוג כה אמר אדני יהוה הלוא ביום ההוא בשבת עמי ישראל לבטח תדע׃

  13. יְחֶזְקֵאל ל״ח:ט״ז

    ועלית על עמי ישראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשי בך לעיניהם גוג׃

  14. יְחֶזְקֵאל ל״ח:י״ז

    כה אמר אדני יהוה האתה הוא אשר דברתי בימים קדמונים ביד עבדי נביאי ישראל הנבאים בימים ההם שנים להביא אתך עליהם׃

  15. יְחֶזְקֵאל ל״ח:י״ח

    והיה ביום ההוא ביום בוא גוג על אדמת ישראל נאם אדני יהוה תעלה חמתי באפי׃

  16. יְחֶזְקֵאל ל״ח:י״ט

    ובקנאתי באש עברתי דברתי אם לא ביום ההוא יהיה רעש גדול על אדמת ישראל׃

  17. יְחֶזְקֵאל ל״ח:כ׳

    ורעשו מפני דגי הים ועוף השמים וחית השדה וכל הרמש הרמש על האדמה וכל האדם אשר על פני האדמה ונהרסו ההרים ונפלו המדרגות וכל חומה לארץ תפול׃

  18. יְחֶזְקֵאל ל״ח:כ״א

    וקראתי עליו לכל הרי חרב נאם אדני יהוה חרב איש באחיו תהיה׃

  19. יְחֶזְקֵאל ל״ח:כ״ב

    ונשפטתי אתו בדבר ובדם וגשם שוטף ואבני אלגביש אש וגפרית אמטיר עליו ועל אגפיו ועל עמים רבים אשר אתו׃

  20. יְחֶזְקֵאל ל״ח:כ״ג

    והתגדלתי והתקדשתי ונודעתי לעיני גוים רבים וידעו כי אני יהוה׃

  21. יְחֶזְקֵאל ל״ט:א׳

    ¶ ואתה בן אדם הנבא על גוג ואמרת כה אמר אדני יהוה הנני אליך גוג נשיא ראש משך ותבל׃

  22. יְחֶזְקֵאל ל״ט:ב׳

    ושבבתיך וששאתיך והעליתיך מירכתי צפון והבאותך על הרי ישראל׃

  23. יְחֶזְקֵאל ל״ט:ג׳

    והכיתי קשתך מיד שמאולך וחציך מיד ימינך אפיל׃

  24. יְחֶזְקֵאל ל״ט:ד׳

    על הרי ישראל תפול אתה וכל אגפיך ועמים אשר אתך לעיט צפור כל כנף וחית השדה נתתיך לאכלה׃

  25. יְחֶזְקֵאל ל״ט:ה׳

    על פני השדה תפול כי אני דברתי נאם אדני יהוה׃