עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ל״א:י״ג

    אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם׃

  2. יִרְמְיָהוּ ל״א:י״ד

    ורויתי נפש הכהנים דשן ועמי את טובי ישבעו נאם יהוה׃

  3. יִרְמְיָהוּ ל״א:ט״ו

    כה אמר יהוה קול ברמה נשמע נהי בכי תמרורים רחל מבכה על בניה מאנה להנחם על בניה כי איננו׃

  4. יִרְמְיָהוּ ל״א:ט״ז

    כה אמר יהוה מנעי קולך מבכי ועיניך מדמעה כי יש שכר לפעלתך נאם יהוה ושבו מארץ אויב׃

  5. יִרְמְיָהוּ ל״א:י״ז

    ויש תקוה לאחריתך נאם יהוה ושבו בנים לגבולם׃

  6. יִרְמְיָהוּ ל״א:י״ח

    שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

  7. יִרְמְיָהוּ ל״א:י״ט

    כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי׃

  8. יִרְמְיָהוּ ל״א:כ׳

    הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃

  9. יִרְמְיָהוּ ל״א:כ״ב

    עד מתי תתחמקין הבת השובבה כי ברא יהוה חדשה בארץ נקבה תסובב גבר׃

  10. יִרְמְיָהוּ ל״א:כ״ג

    כה אמר יהוה צבאות אלהי ישראל עוד יאמרו את הדבר הזה בארץ יהודה ובעריו בשובי את שבותם יברכך יהוה נוה צדק הר הקדש׃

  11. יִרְמְיָהוּ ל״א:כ״ה

    כי הרויתי נפש עיפה וכל נפש דאבה מלאתי׃

  12. יִרְמְיָהוּ ל״א:כ״ו

    על זאת הקיצתי ואראה ושנתי ערבה לי׃

  13. יִרְמְיָהוּ ל״א:כ״ז

    הנה ימים באים נאם יהוה וזרעתי את בית ישראל ואת בית יהודה זרע אדם וזרע בהמה׃

  14. יִרְמְיָהוּ ל״א:כ״ח

    והיה כאשר שקדתי עליהם לנתוש ולנתוץ ולהרס ולהאביד ולהרע כן אשקד עליהם לבנות ולנטוע נאם יהוה׃

  15. יִרְמְיָהוּ ל״א:ל״א

    הנה ימים באים נאם יהוה וכרתי את בית ישראל ואת בית יהודה ברית חדשה׃

  16. יִרְמְיָהוּ ל״א:ל״ב

    לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם נאם יהוה׃

  17. יִרְמְיָהוּ ל״א:ל״ג

    כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

  18. יִרְמְיָהוּ ל״א:ל״ד

    ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד׃

  19. יִרְמְיָהוּ ל״א:ל״ה

    כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃

  20. יִרְמְיָהוּ ל״א:ל״ו

    אם ימשו החקים האלה מלפני נאם יהוה גם זרע ישראל ישבתו מהיות גוי לפני כל הימים׃

  21. יִרְמְיָהוּ ל״א:ל״ז

    כה אמר יהוה אם ימדו שמים מלמעלה ויחקרו מוסדי ארץ למטה גם אני אמאס בכל זרע ישראל על כל אשר עשו נאם יהוה׃

  22. יִרְמְיָהוּ ל״א:ל״ח

    הנה ימים נאם יהוה ונבנתה העיר ליהוה ממגדל חננאל שער הפנה׃

  23. יִרְמְיָהוּ ל״א:מ׳

    וכל העמק הפגרים והדשן וכל השרמות עד נחל קדרון עד פנת שער הסוסים מזרחה קדש ליהוה לא ינתש ולא יהרס עוד לעולם׃

  24. יִרְמְיָהוּ ל״ב:א׳

    ¶ הדבר אשר היה אל ירמיהו מאת יהוה בשנת העשרית לצדקיהו מלך יהודה היא השנה שמנה עשרה שנה לנבוכדראצר׃

  25. יִרְמְיָהוּ ל״ב:ג׳

    אשר כלאו צדקיהו מלך יהודה לאמר מדוע אתה נבא לאמר כה אמר יהוה הנני נתן את העיר הזאת ביד מלך בבל ולכדה׃