עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ כ״ט:י״ב

    וקראתם אתי והלכתם והתפללתם אלי ושמעתי אליכם׃

  2. יִרְמְיָהוּ כ״ט:י״ג

    ובקשתם אתי ומצאתם כי תדרשני בכל לבבכם׃

  3. יִרְמְיָהוּ כ״ט:י״ד

    ונמצאתי לכם נאם יהוה ושבתי את שביתכם וקבצתי אתכם מכל הגוים ומכל המקומות אשר הדחתי אתכם שם נאם יהוה והשבתי אתכם אל המקום אשר הגליתי אתכם משם׃

  4. יִרְמְיָהוּ כ״ט:ט״ו

    כי אמרתם הקים לנו יהוה נבאים בבלה׃

  5. יִרְמְיָהוּ כ״ט:ט״ז

    כי כה אמר יהוה אל המלך היושב אל כסא דוד ואל כל העם היושב בעיר הזאת אחיכם אשר לא יצאו אתכם בגולה׃

  6. יִרְמְיָהוּ כ״ט:י״ז

    כה אמר יהוה צבאות הנני משלח בם את החרב את הרעב ואת הדבר ונתתי אותם כתאנים השערים אשר לא תאכלנה מרע׃

  7. יִרְמְיָהוּ כ״ט:י״ח

    ורדפתי אחריהם בחרב ברעב ובדבר ונתתים לזועה לכל ממלכות הארץ לאלה ולשמה ולשרקה ולחרפה בכל הגוים אשר הדחתים שם׃

  8. יִרְמְיָהוּ כ״ט:י״ט

    תחת אשר לא שמעו אל דברי נאם יהוה אשר שלחתי אליהם את עבדי הנבאים השכם ושלח ולא שמעתם נאם יהוה׃

  9. יִרְמְיָהוּ כ״ט:כ׳

    ואתם שמעו דבר יהוה כל הגולה אשר שלחתי מירושלם בבלה׃

  10. יִרְמְיָהוּ כ״ט:כ״א

    כה אמר יהוה צבאות אלהי ישראל אל אחאב בן קוליה ואל צדקיהו בן מעשיה הנבאים לכם בשמי שקר הנני נתן אתם ביד נבוכדראצר מלך בבל והכם לעיניכם׃

  11. יִרְמְיָהוּ כ״ט:כ״ב

    ולקח מהם קללה לכל גלות יהודה אשר בבבל לאמר ישמך יהוה כצדקיהו וכאחב אשר קלם מלך בבל באש׃

  12. יִרְמְיָהוּ כ״ט:כ״ג

    יען אשר עשו נבלה בישראל וינאפו את נשי רעיהם וידברו דבר בשמי שקר אשר לוא צויתם ואנכי הוידע ועד נאם יהוה׃

  13. יִרְמְיָהוּ כ״ט:כ״ה

    כה אמר יהוה צבאות אלהי ישראל לאמר יען אשר אתה שלחת בשמכה ספרים אל כל העם אשר בירושלם ואל צפניה בן מעשיה הכהן ואל כל הכהנים לאמר׃

  14. יִרְמְיָהוּ כ״ט:כ״ו

    יהוה נתנך כהן תחת יהוידע הכהן להיות פקדים בית יהוה לכל איש משגע ומתנבא ונתתה אתו אל המהפכת ואל הצינק׃

  15. יִרְמְיָהוּ כ״ט:ל׳

    ויהי דבר יהוה אל ירמיהו לאמר׃

  16. יִרְמְיָהוּ כ״ט:ל״א

    שלח על כל הגולה לאמר כה אמר יהוה אל שמעיה הנחלמי יען אשר נבא לכם שמעיה ואני לא שלחתיו ויבטח אתכם על שקר׃

  17. יִרְמְיָהוּ כ״ט:ל״ב

    לכן כה אמר יהוה הנני פקד על שמעיה הנחלמי ועל זרעו לא יהיה לו איש יושב בתוך העם הזה ולא יראה בטוב אשר אני עשה לעמי נאם יהוה כי סרה דבר על יהוה׃

  18. יִרְמְיָהוּ ל׳:א׳

    ¶ הדבר אשר היה אל ירמיהו מאת יהוה לאמר׃

  19. יִרְמְיָהוּ ל׳:ב׳

    כה אמר יהוה אלהי ישראל לאמר כתב לך את כל הדברים אשר דברתי אליך אל ספר׃

  20. יִרְמְיָהוּ ל׳:ג׳

    כי הנה ימים באים נאם יהוה ושבתי את שבות עמי ישראל ויהודה אמר יהוה והשבתים אל הארץ אשר נתתי לאבותם וירשוה׃

  21. יִרְמְיָהוּ ל׳:ד׳

    ואלה הדברים אשר דבר יהוה אל ישראל ואל יהודה׃

  22. יִרְמְיָהוּ ל׳:ה׳

    כי כה אמר יהוה קול חרדה שמענו פחד ואין שלום׃

  23. יִרְמְיָהוּ ל׳:ו׳

    שאלו נא וראו אם ילד זכר מדוע ראיתי כל גבר ידיו על חלציו כיולדה ונהפכו כל פנים לירקון׃

  24. יִרְמְיָהוּ ל׳:ח׳

    והיה ביום ההוא נאם יהוה צבאות אשבר עלו מעל צוארך ומוסרותיך אנתק ולא יעבדו בו עוד זרים׃

  25. יִרְמְיָהוּ ל׳:ט׳

    ועבדו את יהוה אלהיהם ואת דוד מלכם אשר אקים להם׃