עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ל׳:י׳

    ואתה אל תירא עבדי יעקב נאם יהוה ואל תחת ישראל כי הנני מושיעך מרחוק ואת זרעך מארץ שבים ושב יעקב ושקט ושאנן ואין מחריד׃

  2. יִרְמְיָהוּ ל׳:י״א

    כי אתך אני נאם יהוה להושיעך כי אעשה כלה בכל הגוים אשר הפצותיך שם אך אתך לא אעשה כלה ויסרתיך למשפט ונקה לא אנקך׃

  3. יִרְמְיָהוּ ל׳:י״ב

    כי כה אמר יהוה אנוש לשברך נחלה מכתך׃

  4. יִרְמְיָהוּ ל׳:י״ד

    כל מאהביך שכחוך אותך לא ידרשו כי מכת אויב הכיתיך מוסר אכזרי על רב עונך עצמו חטאתיך׃

  5. יִרְמְיָהוּ ל׳:ט״ו

    מה תזעק על שברך אנוש מכאבך על רב עונך עצמו חטאתיך עשיתי אלה לך׃

  6. יִרְמְיָהוּ ל׳:ט״ז

    לכן כל אכליך יאכלו וכל צריך כלם בשבי ילכו והיו שאסיך למשסה וכל בזזיך אתן לבז׃

  7. יִרְמְיָהוּ ל׳:י״ז

    כי אעלה ארכה לך וממכותיך ארפאך נאם יהוה כי נדחה קראו לך ציון היא דרש אין לה׃

  8. יִרְמְיָהוּ ל׳:י״ח

    כה אמר יהוה הנני שב שבות אהלי יעקוב ומשכנתיו ארחם ונבנתה עיר על תלה וארמון על משפטו ישב׃

  9. יִרְמְיָהוּ ל׳:י״ט

    ויצא מהם תודה וקול משחקים והרבתים ולא ימעטו והכבדתים ולא יצערו׃

  10. יִרְמְיָהוּ ל׳:כ׳

    והיו בניו כקדם ועדתו לפני תכון ופקדתי על כל לחציו׃

  11. יִרְמְיָהוּ ל׳:כ״א

    והיה אדירו ממנו ומשלו מקרבו יצא והקרבתיו ונגש אלי כי מי הוא זה ערב את לבו לגשת אלי נאם יהוה׃

  12. יִרְמְיָהוּ ל׳:כ״ב

    והייתם לי לעם ואנכי אהיה לכם לאלהים׃

  13. יִרְמְיָהוּ ל׳:כ״ג

    הנה סערת יהוה חמה יצאה סער מתגורר על ראש רשעים יחול׃

  14. יִרְמְיָהוּ ל׳:כ״ד

    לא ישוב חרון אף יהוה עד עשתו ועד הקימו מזמות לבו באחרית הימים תתבוננו בה׃

  15. יִרְמְיָהוּ ל״א:א׳

    ¶ בעת ההיא נאם יהוה אהיה לאלהים לכל משפחות ישראל והמה יהיו לי לעם׃

  16. יִרְמְיָהוּ ל״א:ב׳

    כה אמר יהוה מצא חן במדבר עם שרידי חרב הלוך להרגיעו ישראל׃

  17. יִרְמְיָהוּ ל״א:ג׳

    מרחוק יהוה נראה לי ואהבת עולם אהבתיך על כן משכתיך חסד׃

  18. יִרְמְיָהוּ ל״א:ד׳

    עוד אבנך ונבנית בתולת ישראל עוד תעדי תפיך ויצאת במחול משחקים׃

  19. יִרְמְיָהוּ ל״א:ו׳

    כי יש יום קראו נצרים בהר אפרים קומו ונעלה ציון אל יהוה אלהינו׃

  20. יִרְמְיָהוּ ל״א:ז׳

    כי כה אמר יהוה רנו ליעקב שמחה וצהלו בראש הגוים השמיעו הללו ואמרו הושע יהוה את עמך את שארית ישראל׃

  21. יִרְמְיָהוּ ל״א:ח׳

    הנני מביא אותם מארץ צפון וקבצתים מירכתי ארץ בם עור ופסח הרה וילדת יחדו קהל גדול ישובו הנה׃

  22. יִרְמְיָהוּ ל״א:ט׳

    בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃

  23. יִרְמְיָהוּ ל״א:י׳

    שמעו דבר יהוה גוים והגידו באיים ממרחק ואמרו מזרה ישראל יקבצנו ושמרו כרעה עדרו׃

  24. יִרְמְיָהוּ ל״א:י״א

    כי פדה יהוה את יעקב וגאלו מיד חזק ממנו׃

  25. יִרְמְיָהוּ ל״א:י״ב

    ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עוד׃