God

בשומי ענן לבשו וערפל חתלתו׃

ואשבר עליו חקי ואשים בריח ודלתים׃

אשר חשכתי לעת צר ליום קרב ומלחמה׃

מי יכין לערב צידו כי ילדו אל אל ישועו יתעו לבלי אכל׃

אשר שמתי ערבה ביתו ומשכנותיו מלחה׃

כי השה אלוה חכמה ולא חלק לה בבינה׃

¶ ויען יהוה את איוב ויאמר׃

הרב עם שדי יסור מוכיח אלוה יעננה׃

ויען איוב את יהוה ויאמר׃

הן קלתי מה אשיבך ידי שמתי למו פי׃

ויען יהוה את איוב מן סערה ויאמר׃

אזר נא כגבר חלציך אשאלך והודיעני׃

האף תפר משפטי תרשיעני למען תצדק׃

ואם זרוע כאל לך ובקול כמהו תרעם׃

וגם אני אודך כי תושע לך ימינך׃

הנה נא בהמות אשר עשיתי עמך חציר כבקר יאכל׃

הוא ראשית דרכי אל העשו יגש חרבו׃

לא אכזר כי יעורנו ומי הוא לפני יתיצב׃

מי הקדימני ואשלם תחת כל השמים לי הוא׃

לא אחריש בדיו ודבר גבורות וחין ערכו׃

¶ ויען איוב את יהוה ויאמר׃

ידעת כי כל תוכל ולא יבצר ממך מזמה׃

שמע נא ואנכי אדבר אשאלך והודיעני׃

לשמע אזן שמעתיך ועתה עיני ראתך׃

ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשני רעיך כי לא דברתם אלי נכונה כעבדי איוב׃