עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 מְלָכִים ג׳:ט״ו

    ועתה קחו לי מנגן והיה כנגן המנגן ותהי עליו יד יהוה׃

  2. 2 מְלָכִים ג׳:ט״ז

    ויאמר כה אמר יהוה עשה הנחל הזה גבים גבים׃

  3. 2 מְלָכִים ג׳:י״ז

    כי כה אמר יהוה לא תראו רוח ולא תראו גשם והנחל ההוא ימלא מים ושתיתם אתם ומקניכם ובהמתכם׃

  4. 2 מְלָכִים ג׳:י״ח

    ונקל זאת בעיני יהוה ונתן את מואב בידכם׃

  5. 2 מְלָכִים ד׳:א׳

    ¶ ואשה אחת מנשי בני הנביאים צעקה אל אלישע לאמר עבדך אישי מת ואתה ידעת כי עבדך היה ירא את יהוה והנשה בא לקחת את שני ילדי לו לעבדים׃

  6. 2 מְלָכִים ד׳:ז׳

    ותבא ותגד לאיש האלהים ויאמר לכי מכרי את השמן ושלמי את נשיכי ואת בניכי תחיי בנותר׃

  7. 2 מְלָכִים ד׳:ט׳

    ותאמר אל אישה הנה נא ידעתי כי איש אלהים קדוש הוא עבר עלינו תמיד׃

  8. 2 מְלָכִים ד׳:ט״ז

    ויאמר למועד הזה כעת חיה אתי חבקת בן ותאמר אל אדני איש האלהים אל תכזב בשפחתך׃

  9. 2 מְלָכִים ד׳:כ״א

    ותעל ותשכבהו על מטת איש האלהים ותסגר בעדו ותצא׃

  10. 2 מְלָכִים ד׳:כ״ב

    ותקרא אל אישה ותאמר שלחה נא לי אחד מן הנערים ואחת האתנות וארוצה עד איש האלהים ואשובה׃

  11. 2 מְלָכִים ד׳:כ״ה

    ותלך ותבוא אל איש האלהים אל הר הכרמל ויהי כראות איש האלהים אתה מנגד ויאמר אל גיחזי נערו הנה השונמית הלז׃

  12. 2 מְלָכִים ד׳:כ״ז

    ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד לי׃

  13. 2 מְלָכִים ד׳:ל׳

    ותאמר אם הנער חי יהוה וחי נפשך אם אעזבך ויקם וילך אחריה׃

  14. 2 מְלָכִים ד׳:ל״ג

    ויבא ויסגר הדלת בעד שניהם ויתפלל אל יהוה׃

  15. 2 מְלָכִים ד׳:מ׳

    ויצקו לאנשים לאכול ויהי כאכלם מהנזיד והמה צעקו ויאמרו מות בסיר איש האלהים ולא יכלו לאכל׃

  16. 2 מְלָכִים ד׳:מ״ב

    ואיש בא מבעל שלשה ויבא לאיש האלהים לחם בכורים עשרים לחם שערים וכרמל בצקלנו ויאמר תן לעם ויאכלו׃

  17. 2 מְלָכִים ד׳:מ״ג

    ויאמר משרתו מה אתן זה לפני מאה איש ויאמר תן לעם ויאכלו כי כה אמר יהוה אכל והותר׃

  18. 2 מְלָכִים ד׳:מ״ד

    ויתן לפניהם ויאכלו ויותרו כדבר יהוה׃

  19. 2 מְלָכִים ה׳:א׳

    ¶ ונעמן שר צבא מלך ארם היה איש גדול לפני אדניו ונשא פנים כי בו נתן יהוה תשועה לארם והאיש היה גבור חיל מצרע׃

  20. 2 מְלָכִים ה׳:ג׳

    ותאמר אל גברתה אחלי אדני לפני הנביא אשר בשמרון אז יאסף אתו מצרעתו׃

  21. 2 מְלָכִים ה׳:ז׳

    ויהי כקרא מלך ישראל את הספר ויקרע בגדיו ויאמר האלהים אני להמית ולהחיות כי זה שלח אלי לאסף איש מצרעתו כי אך דעו נא וראו כי מתאנה הוא לי׃

  22. 2 מְלָכִים ה׳:ח׳

    ויהי כשמע אלישע איש האלהים כי קרע מלך ישראל את בגדיו וישלח אל המלך לאמר למה קרעת בגדיך יבא נא אלי וידע כי יש נביא בישראל׃

  23. 2 מְלָכִים ה׳:י״א

    ויקצף נעמן וילך ויאמר הנה אמרתי אלי יצא יצוא ועמד וקרא בשם יהוה אלהיו והניף ידו אל המקום ואסף המצרע׃

  24. 2 מְלָכִים ה׳:י״ד

    וירד ויטבל בירדן שבע פעמים כדבר איש האלהים וישב בשרו כבשר נער קטן ויטהר׃

  25. 2 מְלָכִים ה׳:ט״ו

    וישב אל איש האלהים הוא וכל מחנהו ויבא ויעמד לפניו ויאמר הנה נא ידעתי כי אין אלהים בכל הארץ כי אם בישראל ועתה קח נא ברכה מאת עבדך׃