Ayoyin Littafi Mai Tsarki game da Idleness: General references

Har yaushe za ku kwanta a can, ku ragwaye? Yaushe za ku farka daga barcinku?

Ɗan barci, ɗan gyangyaɗi, ɗan naɗin hannuwa don a huta,

talauci kuwa zai zo kamar ’yan hari rashi kuma kamar ɗan fashi.

Ragwanci kan sa mutum yă zama matalauci, amma aiki tuƙuru kan ba da dukiya.

Shi da ya tattara hatsi da rani ɗa ne mai hikima, amma shi da yakan yi barci a lokacin girbi ɗa ne wanda ya zama abin kunya.

Na wuce cikin gonar rago, na wuce cikin gonar inabin mutumin da ba shi da azanci;

ƙayayyuwa sun yi girma ko’ina, ciyayi sun rufe ƙasar, katangar duwatsu duk ta rushe.

Ɗan barci, ɗan gyangyaɗi, ɗan naɗin hannuwa don a huta,

sai talauci ya shigo maka kamar ’yan fashi rashi kuma ya zo maka kamar mai hari.

Rago yakan ce, “Akwai zaki a kan hanya, zaki mai faɗa yana yawo a tituna!”

Kamar yadda ƙofa kan juya a ƙyaurensa, haka rago yake jujjuya a gadonsa.

Rago kan sa hannunsa a kwano ba ya ma iya ɗaga shi ya kai bakinsa.

Rago yana gani yana da hikima fiye da mutane bakwai da suke ba da amsa da dalilai a kan ra’ayinsu.

Wajen sa’a ta goma sha ɗaya, ya sāke fita, ya tarar da waɗansu har yanzu suna tsattsaye. Ya tambaye su, ‘Don me kuke yini tsattsaye a nan ba kwa kome?’

“Suka amsa, ‘Don ba wanda ya ɗauke mu aiki.’ “Ya ce musu, ‘Ku ma ku je ku yi aiki a gonar inabina.’

“Sai wani bawan ya zo ya ce, ‘Ranka yă daɗe, ga minarka. Na ɓoye shi a wani ɗan tsumma.

Na ji tsoronka, don kai mai wuyan sha’ani ne. Kakan ɗauki abin da ba ka ajiye ba, kakan kuma yi girbin abin da ba ka shuka ba.’

“Sai maigidansa, ya amsa ya ce, ‘Zan hukunta ka a kan kalmominka, kai mugun bawa! Ashe, ka san cewa ni mai wuyan sha’ani ne, nakan ɗauka abin da ban ajiye ba, ina kuma girbin abin da ban shuka ba?

Don me ba ka sa kuɗina a wajen ajiya, don in na dawo, in sami riba a kai ba?’

“Sai ya ce wa waɗanda suke tsaye a wajen, ‘Ku karɓi minarsa ku ba wa wanda yake da mina goma.’

“Suka ce, ‘Ranka yă daɗe, ai, yana da guda goma ko!’

Ko ma a sa’ad da muke tare da ku, mun ba ku wannan umarni cewa, “In mutum ya ƙi yin aiki, kada a ba shi abinci.”

Mun ji cewa waɗansunku suna zaman banza. Ba sa aikin kome; sai shisshigi kurum.