Ayoyin Littafi Mai Tsarki game da Birds: Habits of

“Fikafikan jimina suna bugawa cike da farin ciki amma ba za su gwada kansu da fikafikan da na shamuwa ba.

Tana sa ƙwai nata a ƙasa kuma ta bar su su yi ɗumi a cikin ƙasa,

ba tă damu ko za a taka su a fasa su, ko waɗansu manyan dabbobi za su tattake su.

Tana tsananta wa ’ya’yanta kamar ba nata ba ba tă damu da wahalar da ta sha ba.

Gama Allah bai ba ta hikima ba ko kuma iya fahimta.

Duk da haka sa’ad da ta buɗe fikafikanta ta shara da gudu tana yi wa doki da mai hawansa dariya.

“Ko ta wurin hikimarka ce shirwa take firiya take kuma baza fikafikanta zuwa kudu?

Ko da umarninka ne shaho yake firiya ya kuma yi sheƙarsa a can sama?

Yana zama a kan dutse yă zauna a wurin da dare; cikin duwatsu ne wurin zamansa.

Daga can yake neman abincinsa; idanunsa suna gani daga nesa.

’Ya’yansa suna shan jini, inda akwai waɗanda aka kashe nan za a same shi.”