Ayoyin Littafi Mai Tsarki game da Birds: Appointed for food

Dukan namun jeji da dukan tsuntsayen sama da kowace halitta mai rarrafe a ƙasa, da dukan kifayen teku, za su riƙa jin tsoronku, suna fargaba. An sa su a cikin hannuwanku.

Kome da yake da rai wanda yake tafiya, zai zama abincinku. Kamar yadda na ba ku kowane irin ganye, haka na ba ku kome da kome.

Za ku iya cin kowane tsuntsu mai tsabta.

Amma waɗannan ba za ku ci ba, gaggafa, ungulu, ungulun kwakwa,

duki, buga zaɓi, kowace irin shirwa,

kowane irin hankaka,

jimina, ƙururu, bubuƙuwa, kowane irin shaho,

da mujiya, da babbar mujiya, ɗuskwi,

kwasakwasa, ungulu, da babba da jaka,

zalɓe, kowane irin jinjimi, katutu, da kuma jamage.

Dukan ’yan ƙwari masu fikafikai masu rarrafe, haram ne a gare ku, kada ku ci su.

Amma duk wata halitta mai fikafikai mai tsabta ce, za ku iya ci.