Amri ya Kutuma Wapelelezi

1

Bwana akamwambia Mose,

2

“Watume baadhi ya watu wakaipeleleze nchi ya Kanaani, ambayo ninawapa Waisraeli. Kutoka kwa kila kabila la baba zao, tuma mmoja wa viongozi wao.”

3

Hivyo kwa agizo la Bwana Mose akawatuma kutoka Jangwa la Parani. Wote walikuwa viongozi wa Waisraeli.

4

Haya ndiyo majina yao: kutoka kabila la Reubeni, Shamua mwana wa Zakuri;

5

kutoka kabila la Simeoni, Shafati mwana wa Hori;

6

kutoka kabila la Yuda, Kalebu mwana wa Yefune;

7

kutoka kabila la Isakari, Igali mwana wa Yosefu;

8

kutoka kabila la Efraimu, Hoshea mwana wa Nuni;

9

kutoka kabila la Benyamini, Palti mwana wa Rafu;

10

kutoka kabila la Zabuloni, Gadieli mwana wa Sodi,

11

kutoka kabila la Manase (kabila la Yosefu), Gadi mwana wa Susi;

12

kutoka kabila la Dani, Amieli mwana wa Gemali;

13

kutoka kabila la Asheri, Sethuri mwana wa Mikaeli;

14

kutoka kabila la Naftali, Nabi mwana wa Wofsi;

15

kutoka kabila la Gadi, Geueli mwana wa Maki.

16

Haya ndiyo majina ya watu ambao Mose aliwatuma kuipeleleza nchi. (Mose akampa Hoshea mwana wa Nuni jina Yoshua.)