הציווי לשלוח מרגלים

בְּמִדְבַּר י״ג:א׳-ט״ז

א׳

¶ וידבר יהוה אל משה לאמר׃

ב׳

שלח לך אנשים ויתרו את ארץ כנען אשר אני נתן לבני ישראל איש אחד איש אחד למטה אבתיו תשלחו כל נשיא בהם׃

ג׳

וישלח אתם משה ממדבר פארן על פי יהוה כלם אנשים ראשי בני ישראל המה׃

ד׳

ואלה שמותם למטה ראובן שמוע בן זכור׃

ה׳

למטה שמעון שפט בן חורי׃

ו׳

למטה יהודה כלב בן יפנה׃

ז׳

למטה יששכר יגאל בן יוסף׃

ח׳

למטה אפרים הושע בן נון׃

ט׳

למטה בנימן פלטי בן רפוא׃

י׳

למטה זבולן גדיאל בן סודי׃

י״א

למטה יוסף למטה מנשה גדי בן סוסי׃

י״ב

למטה דן עמיאל בן גמלי׃

י״ג

למטה אשר סתור בן מיכאל׃

י״ד

למטה נפתלי נחבי בן ופסי׃

ט״ו

למטה גד גאואל בן מכי׃

ט״ז

אלה שמות האנשים אשר שלח משה לתור את הארץ ויקרא משה להושע בן נון יהושע׃