TRV
מתיו ו׳:ו׳-כ״א
ו׳
ואתה כי תתפלל בוא בחדרך וסגר דלתך בעדך והתפלל אל אביך אשר בסתר ואביך הראה במסתרים הוא בגלוי יגמלך׃
ז׳
ובהתפללכם אל תפטפטו כגוים החשבים כי בהרבות דבריהם ישמעו׃
ח׳
ואתם אל תדמו להם כי יודע אביכם כל צרככם בטרם תשאלו ממנו׃
ט׳
לכן כה תתפללו אבינו שבשמים יתקדש שמך׃
י׳
תבא מלכותך יעשה רצונך כמו בשמים כן בארץ׃
י״א
את לחם חקנו תן לנו היום׃
י״ב
וסלח לנו את חבותינו כאשר סלחנו גם אנחנו לחיבינו׃
י״ג
ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃
י״ד
כי אם תסלחו לבני אדם את חטאתם אביכם שבשמים יסלח גם לכם׃
ט״ו
ואם לא תסלחו לבני אדם גם אביכם לא יסלח לכם את חטאתיכם׃
ט״ז
וכי תצומו אל תהיו זעפים כחנפים המשנים את פניהם להראות צמים לבני אדם אמן אמר אני לכם כי לקחו את שכרם׃
י״ז
ואתה כי תצום סוך את ראשך ורחץ את פניך׃
י״ח
למען לא תראה בצומך לבני אדם כי אם לאביך אשר בסתר ואביך הראה במסתרים הוא בגלוי יגמלך׃
י״ט
אל תאצרו לכם אוצרות בארץ אשר יאכלום שם סס ורקב וגנבים יחתרו שם וגנבו׃
כ׳
אבל תאצרו לכם אוצרות בשמים אשר סס ורקב לא יאכלום שם וגנבים לא יחתרו שם ולא יגנבו׃
כ״א
כי במקום אשר אוצרכם בו שם יהיה גם לבבכם׃
Settings