שְׁמֹות י״ב:מ״ב-נ״א

מ״ב

ליל שמרים הוא ליהוה להוציאם מארץ מצרים הוא הלילה הזה ליהוה שמרים לכל בני ישראל לדרתם׃

מ״ג

ויאמר יהוה אל משה ואהרן זאת חקת הפסח כל בן נכר לא יאכל בו׃

מ״ד

וכל עבד איש מקנת כסף ומלתה אתו אז יאכל בו׃

מ״ה

תושב ושכיר לא יאכל בו׃

מ״ו

בבית אחד יאכל לא תוציא מן הבית מן הבשר חוצה ועצם לא תשברו בו׃

מ״ז

כל עדת ישראל יעשו אתו׃

מ״ח

וכי יגור אתך גר ועשה פסח ליהוה המול לו כל זכר ואז יקרב לעשתו והיה כאזרח הארץ וכל ערל לא יאכל בו׃

מ״ט

תורה אחת יהיה לאזרח ולגר הגר בתוככם׃

נ׳

ויעשו כל בני ישראל כאשר צוה יהוה את משה ואת אהרן כן עשו׃

נ״א

ויהי בעצם היום הזה הוציא יהוה את בני ישראל מארץ מצרים על צבאתם׃

נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל