פסוקים על The Power of God

היפלא מיהוה דבר למועד אשוב אליך כעת חיה ולשרה בן׃

ויאמרו החרטמים אל פרעה אצבע אלהים הוא ויחזק לב פרעה ולא שמע אלהם כאשר דבר יהוה׃

הנה יד יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד׃

כי עתה שלחתי את ידי ואך אותך ואת עמך בדבר ותכחד מן הארץ׃

ואולם בעבור זאת העמדתיך בעבור הראתך את כחי ולמען ספר שמי בכל הארץ׃

ימינך יהוה נאדרי בכח ימינך יהוה תרעץ אויב׃

מי כמכה באלם יהוה מי כמכה נאדר בקדש נורא תהלת עשה פלא׃

נטית ימינך תבלעמו ארץ׃

אדני יהוה אתה החלות להראות את עבדך את גדלך ואת ידך החזקה אשר מי אל בשמים ובארץ אשר יעשה כמעשיך וכגבורתך׃

ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃

ויאמר יהונתן אל הנער נשא כליו לכה ונעברה אל מצב הערלים האלה אולי יעשה יהוה לנו כי אין ליהוה מעצור להושיע ברב או במעט׃

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

כי יהוה עיניו משטטות בכל הארץ להתחזק עם לבבם שלם אליו נסכלת על זאת כי מעתה יש עמך מלחמות׃

כי בשתי לשאול מן המלך חיל ופרשים לעזרנו מאויב בדרך כי אמרנו למלך לאמר יד אלהינו על כל מבקשיו לטובה ועזו ואפו על כל עזביו׃

והם עבדיך ועמך אשר פדית בכחך הגדול ובידך החזקה׃

עשה גדלות ואין חקר נפלאות עד אין מספר׃

חכם לבב ואמיץ כח מי הקשה אליו וישלם׃

עשה גדלות עד אין חקר ונפלאות עד אין מספר׃

הן אלה קצות דרכו ומה שמץ דבר נשמע בו ורעם גבורתו מי יתבונן׃

הן אל ישגיב בכחו מי כמהו מורה׃

ואם זרוע כאל לך ובקול כמהו תרעם׃

כי אראה שמיך מעשי אצבעתיך ירח וכוכבים אשר כוננתה׃

רומה יהוה בעזך נשירה ונזמרה גבורתך׃

קול יהוה על המים אל הכבוד הרעים יהוה על מים רבים׃