פסוקים על The Apostles

את אשר אני אמר לכם בחשך דברו באור ואשר ילחש לאזניכם השמיעו על הגגות׃

ואל תיראי מן ההרגים את הגוף ואת הנפש לא יוכלו להרג אך תיראו את אשר יוכל לאבד גם את הנפש גם את הגוף בגיהנם׃

הלא תמכרנה שתי צפרים באסר ואחת מהנה לא תפול ארצה מבלעדי אביכם׃

ואתם גם שערות ראשכם נמנות כלן׃

לכן אל תיראו הנכם יקרים מצפרים רבות׃

הן כל אשר יודה בי לפני האדם אודה בו גם אני לפני אבי שבשמים׃

ואשר יכחש בי לפני האדם אכחש בו גם אני לפני אבי שבשמים׃

האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי׃

ואשר לא יקח את צלבו והלך אחרי איננו כדי לי׃

המצא את נפשו יאבדנה והמאבד את נפשו למעני הוא ימצאנה׃

ויבא אל כפר נחום ובהיותו בבית וישאל אותם מה התוכחתם איש עם רעהו בדרך׃

ויחרישו כי התעשקו בדרך מי הוא הגדול בהם׃

וישב ויקרא אל שנים העשר ויאמר אליהם איש כי יחפץ להיות הראשון הוא יהיה האחרון לכלם ומשרת כלם׃

ויקח ילד ויעמידהו בתוכם ויחבקהו ויאמר להם׃

כל אשר יקבל בשמי ילד אחד כזה הוא מקבל אותי וכל אשר אותי יקבל איננו מקבל אותי כי אם את אשר שלחני׃

וגם מריבה היתה ביניהם מי יחשב להיות הגדול בהם׃

ויאמר אליהם מלכי הגוים רדים בהם ושליטיהם יקראו עשי חסד׃

ואתם לא כן כי הגדול בכם יהיה כצעיר והמשל יהיה כמשרת׃

כי מי הוא הגדול אם המסב או המשרת הלא המסב ואני הנני בתוככם כמו המשרת׃

ואתם הם העמדים עמדי עד עתה בנסיונתי׃

לכן אני מנחיל אתכם כאשר הנחילני אבי את המלכות׃

למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃

ויקומו בשעה ההיא וישובו ירושלים וימצאו את עשתי העשר ואת אשר אתם נקהלים יחד׃

האמרים אכן קם האדון מן המתים ונראה אל שמעון׃

ויספרו גם הם את אשר נעשה להם בדרך ואיך הכירהו בבציעת הלחם׃