פסוקים על Sanitation

289 פסוקים · 10 היבטים

פסוקי מפתח

סינון לפי ספר
  1. וַיִּקְרָא י״א:ב׳

    דברו אל בני ישראל לאמר זאת החיה אשר תאכלו מכל הבהמה אשר על הארץ׃

  2. וַיִּקְרָא י״א:ג׳

    כל מפרסת פרסה ושסעת שסע פרסת מעלת גרה בבהמה אתה תאכלו׃

  3. וַיִּקְרָא י״א:ד׳

    אך את זה לא תאכלו ממעלי הגרה וממפריסי הפרסה את הגמל כי מעלה גרה הוא ופרסה איננו מפריס טמא הוא לכם׃

  4. וַיִּקְרָא י״א:ה׳

    ואת השפן כי מעלה גרה הוא ופרסה לא יפריס טמא הוא לכם׃

  5. וַיִּקְרָא י״א:ו׳

    ואת הארנבת כי מעלת גרה הוא ופרסה לא הפריסה טמאה הוא לכם׃

  6. וַיִּקְרָא י״א:ז׳

    ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכם׃

  7. וַיִּקְרָא י״א:ח׳

    מבשרם לא תאכלו ובנבלתם לא תגעו טמאים הם לכם׃

  8. וַיִּקְרָא י״א:ט׳

    את זה תאכלו מכל אשר במים כל אשר לו סנפיר וקשקשת במים בימים ובנחלים אתם תאכלו׃

  9. וַיִּקְרָא י״א:י׳

    וכל אשר אין לו סנפיר וקשקשת בימים ובנחלים מכל שרץ המים ומכל נפש החיה אשר במים שקץ הם לכם׃

  10. וַיִּקְרָא י״א:י״א

    ושקץ יהיו לכם מבשרם לא תאכלו ואת נבלתם תשקצו׃

  11. וַיִּקְרָא י״א:י״ב

    כל אשר אין לו סנפיר וקשקשת במים שקץ הוא לכם׃

  12. וַיִּקְרָא י״א:י״ג

    ואת אלה תשקצו מן העוף לא יאכלו שקץ הם את הנשר ואת הפרס ואת העזניה׃

  13. וַיִּקְרָא י״א:י״ד

    ואת הדאה ואת האיה למינה׃

  14. וַיִּקְרָא י״א:ט״ו

    את כל ערב למינו׃

  15. וַיִּקְרָא י״א:ט״ז

    ואת בת היענה ואת התחמס ואת השחף ואת הנץ למינהו׃

  16. וַיִּקְרָא י״א:י״ז

    ואת הכוס ואת השלך ואת הינשוף׃

  17. וַיִּקְרָא י״א:י״ח

    ואת התנשמת ואת הקאת ואת הרחם׃

  18. וַיִּקְרָא י״א:י״ט

    ואת החסידה האנפה למינה ואת הדוכיפת ואת העטלף׃

  19. וַיִּקְרָא י״א:כ׳

    כל שרץ העוף ההלך על ארבע שקץ הוא לכם׃

  20. וַיִּקְרָא י״א:כ״א

    אך את זה תאכלו מכל שרץ העוף ההלך על ארבע אשר לא כרעים ממעל לרגליו לנתר בהן על הארץ׃

  21. וַיִּקְרָא י״א:כ״ב

    את אלה מהם תאכלו את הארבה למינו ואת הסלעם למינהו ואת החרגל למינהו ואת החגב למינהו׃

  22. וַיִּקְרָא י״א:כ״ג

    וכל שרץ העוף אשר לו ארבע רגלים שקץ הוא לכם׃

  23. וַיִּקְרָא י״א:כ״ד

    ולאלה תטמאו כל הנגע בנבלתם יטמא עד הערב׃

  24. וַיִּקְרָא י״א:כ״ה

    וכל הנשא מנבלתם יכבס בגדיו וטמא עד הערב׃

  25. וַיִּקְרָא י״א:כ״ו

    לכל הבהמה אשר הוא מפרסת פרסה ושסע איננה שסעת וגרה איננה מעלה טמאים הם לכם כל הנגע בהם יטמא׃