פסוקים על Rulers

255 פסוקים · 5 היבטים

פסוקי מפתח

סינון לפי ספר
  1. דְּבָרִים י״ז:ט״ז

    רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד׃

  2. דְּבָרִים י״ז:י״ז

    ולא ירבה לו נשים ולא יסור לבבו וכסף וזהב לא ירבה לו מאד׃

  3. דְּבָרִים י״ז:י״ח

    והיה כשבתו על כסא ממלכתו וכתב לו את משנה התורה הזאת על ספר מלפני הכהנים הלוים׃

  4. דְּבָרִים י״ז:י״ט

    והיתה עמו וקרא בו כל ימי חייו למען ילמד ליראה את יהוה אלהיו לשמר את כל דברי התורה הזאת ואת החקים האלה לעשתם׃

  5. דְּבָרִים י״ז:כ׳

    לבלתי רום לבבו מאחיו ולבלתי סור מן המצוה ימין ושמאול למען יאריך ימים על ממלכתו הוא ובניו בקרב ישראל׃

  6. דְּבָרִים י״ט:י״ח

    ודרשו השפטים היטב והנה עד שקר העד שקר ענה באחיו׃

  7. דְּבָרִים י״ט:י״ט

    ועשיתם לו כאשר זמם לעשות לאחיו ובערת הרע מקרבך׃

  8. דְּבָרִים כ״ד:ט״ז

    לא יומתו אבות על בנים ובנים לא יומתו על אבות איש בחטאו יומתו׃

  9. דְּבָרִים כ״ה:א׳

    ¶ כי יהיה ריב בין אנשים ונגשו אל המשפט ושפטום והצדיקו את הצדיק והרשיעו את הרשע׃

  10. דְּבָרִים כ״ז:י״ט

    ארור מטה משפט גר יתום ואלמנה ואמר כל העם אמן׃

  11. יְהוֹשֻעַ א׳:ז׳

    רק חזק ואמץ מאד לשמר לעשות ככל התורה אשר צוך משה עבדי אל תסור ממנו ימין ושמאול למען תשכיל בכל אשר תלך׃

  12. יְהוֹשֻעַ א׳:ח׳

    לא ימוש ספר התורה הזה מפיך והגית בו יומם ולילה למען תשמר לעשות ככל הכתוב בו כי אז תצליח את דרכך ואז תשכיל׃

  13. 1 שְׁמוּאֵל ח׳:י׳

    ויאמר שמואל את כל דברי יהוה אל העם השאלים מאתו מלך׃

  14. 1 שְׁמוּאֵל ח׳:י״א

    ויאמר זה יהיה משפט המלך אשר ימלך עליכם את בניכם יקח ושם לו במרכבתו ובפרשיו ורצו לפני מרכבתו׃

  15. 1 שְׁמוּאֵל ח׳:י״ב

    ולשום לו שרי אלפים ושרי חמשים ולחרש חרישו ולקצר קצירו ולעשות כלי מלחמתו וכלי רכבו׃

  16. 1 שְׁמוּאֵל ח׳:י״ג

    ואת בנותיכם יקח לרקחות ולטבחות ולאפות׃

  17. 1 שְׁמוּאֵל ח׳:י״ד

    ואת שדותיכם ואת כרמיכם וזיתיכם הטובים יקח ונתן לעבדיו׃

  18. 1 שְׁמוּאֵל ח׳:ט״ו

    וזרעיכם וכרמיכם יעשר ונתן לסריסיו ולעבדיו׃

  19. 1 שְׁמוּאֵל ח׳:ט״ז

    ואת עבדיכם ואת שפחותיכם ואת בחוריכם הטובים ואת חמוריכם יקח ועשה למלאכתו׃

  20. 1 שְׁמוּאֵל ח׳:י״ז

    צאנכם יעשר ואתם תהיו לו לעבדים׃

  21. 1 שְׁמוּאֵל ח׳:י״ח

    וזעקתם ביום ההוא מלפני מלככם אשר בחרתם לכם ולא יענה יהוה אתכם ביום ההוא׃

  22. 2 שְׁמוּאֵל כ״ג:ג׳

    אמר אלהי ישראל לי דבר צור ישראל מושל באדם צדיק מושל יראת אלהים׃

  23. 2 שְׁמוּאֵל כ״ג:ד׳

    וכאור בקר יזרח שמש בקר לא עבות מנגה ממטר דשא מארץ׃

  24. 2 מְלָכִים י״ג:י׳

    בשנת שלשים ושבע שנה ליואש מלך יהודה מלך יהואש בן יהואחז על ישראל בשמרון שש עשרה שנה׃

  25. 2 מְלָכִים י״ג:י״א

    ויעשה הרע בעיני יהוה לא סר מכל חטאות ירבעם בן נבט אשר החטיא את ישראל בה הלך׃