פסוקים על Punishment: Divine punishment, no escape from

ועיני רשעים תכלינה ומנוס אבד מנהם ותקותם מפח נפש׃

יען קראתי ותמאנו נטיתי ידי ואין מקשיב׃

ותפרעו כל עצתי ותוכחתי לא אביתם׃

גם אני באידכם אשחק אלעג בבא פחדכם׃

בבא כשאוה פחדכם ואידכם כסופה יאתה בבא עליכם צרה וצוקה׃

אז יקראנני ולא אענה ישחרנני ולא ימצאנני׃

תחת כי שנאו דעת ויראת יהוה לא בחרו׃

לא אבו לעצתי נאצו כל תוכחתי׃

ויאכלו מפרי דרכם וממעצתיהם ישבעו׃

יד ליד לא ינקה רע וזרע צדיקים נמלט׃

תועבת יהוה כל גבה לב יד ליד לא ינקה׃

¶ איש תוכחות מקשה ערף פתע ישבר ואין מרפא׃

לכן כה אמר יהוה הנני מביא אליהם רעה אשר לא יוכלו לצאת ממנה וזעקו אלי ולא אשמע אליהם׃

¶ ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאו׃

והיה כי ימאנו לקחת הכוס מידך לשתות ואמרת אליהם כה אמר יהוה צבאות שתו תשתו׃

כי הנה בעיר אשר נקרא שמי עליה אנכי מחל להרע ואתם הנקה תנקו לא תנקו כי חרב אני קרא על כל ישבי הארץ נאם יהוה צבאות׃

כספם בחוצות ישליכו וזהבם לנדה יהיה כספם וזהבם לא יוכל להצילם ביום עברת יהוה נפשם לא ישבעו ומעיהם לא ימלאו כי מכשול עונם היה׃

ואבד מנוס מקל וחזק לא יאמץ כחו וגבור לא ימלט נפשו׃

ותפש הקשת לא יעמד וקל ברגליו לא ימלט ורכב הסוס לא ימלט נפשו׃

ואמיץ לבו בגבורים ערום ינוס ביום ההוא נאם יהוה׃

גם כספם גם זהבם לא יוכל להצילם ביום עברת יהוה ובאש קנאתו תאכל כל הארץ כי כלה אך נבהלה יעשה את כל ישבי הארץ׃

ואל תיראי מן ההרגים את הגוף ואת הנפש לא יוכלו להרג אך תיראו את אשר יוכל לאבד גם את הנפש גם את הגוף בגיהנם׃

נחשים אתם ילדי הצפעונים איכה תמלטו מדין גיהנם׃

ואתה בן אדם הדן את אשר פעלו כאלה ועשית כמעשיהם התחשב להמלט ממשפט האלהים׃

וכל עשה עול הוא ישא העול אשר עשה ואין שם משא פנים׃