פסוקים על Punishment: Delayed punishment

אלה עשית והחרשתי דמית היות אהיה כמוך אוכיחך ואערכה לעיניך׃

ישמע אל ויענם וישב קדם סלה אשר אין חליפות למו ולא יראו אלהים׃

יען קראתי ותמאנו נטיתי ידי ואין מקשיב׃

ותפרעו כל עצתי ותוכחתי לא אביתם׃

גם אני באידכם אשחק אלעג בבא פחדכם׃

בבא כשאוה פחדכם ואידכם כסופה יאתה בבא עליכם צרה וצוקה׃

אז יקראנני ולא אענה ישחרנני ולא ימצאנני׃

תחת כי שנאו דעת ויראת יהוה לא בחרו׃

לא אבו לעצתי נאצו כל תוכחתי׃

ויאכלו מפרי דרכם וממעצתיהם ישבעו׃

אשר אין נעשה פתגם מעשה הרעה מהרה על כן מלא לב בני האדם בהם לעשות רע׃

אשר חטא עשה רע מאת ומאריך לו כי גם יודע אני אשר יהיה טוב ליראי האלהים אשר ייראו מלפניו׃

וטוב לא יהיה לרשע ולא יאריך ימים כצל אשר איננו ירא מלפני אלהים׃

עד אנה יהוה שועתי ולא תשמע אזעק אליך חמס ולא תושיע׃

למה תראני און ועמל תביט ושד וחמס לנגדי ויהי ריב ומדון ישא׃

על כן תפוג תורה ולא יצא לנצח משפט כי רשע מכתיר את הצדיק על כן יצא משפט מעקל׃