פסוקים על Penitent

תעתיר אליו וישמעך ונדריך תשלם׃

ותגזר אומר ויקם לך ועל דרכיך נגה אור׃

כי השפילו ותאמר גוה ושח עינים יושע׃

הברב כח יריב עמדי לא אך הוא ישם בי׃

יעתר אל אלוה וירצהו וירא פניו בתרועה וישב לאנוש צדקתו׃

ישר על אנשים ויאמר חטאתי וישר העויתי ולא שוה לי׃

פדה נפשי מעבר בשחת וחיתי באור תראה׃

סורו ממני כל פעלי און כי שמע יהוה קול בכיי׃

שמע יהוה תחנתי יהוה תפלתי יקח׃

ויבטחו בך יודעי שמך כי לא עזבת דרשיך יהוה׃

יאכלו ענוים וישבעו יהללו יהוה דרשיו יחי לבבכם לעד׃

מי יעלה בהר יהוה ומי יקום במקום קדשו׃

נקי כפים ובר לבב אשר לא נשא לשוא נפשי ולא נשבע למרמה׃

ישא ברכה מאת יהוה וצדקה מאלהי ישעו׃

זה דור דרשו מבקשי פניך יעקב סלה׃

חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

על זאת יתפלל כל חסיד אליך לעת מצא רק לשטף מים רבים אליו לא יגיעו׃

קרוב יהוה לנשברי לב ואת דכאי רוח יושיע׃

זבחי אלהים רוח נשברה לב נשבר ונדכה אלהים לא תבזה׃

ישישו וישמחו בך כל מבקשיך ויאמרו תמיד יגדל אלהים אהבי ישועתך׃

שבענו בבקר חסדך ונרננה ונשמחה בכל ימינו׃

שמחנו כימות עניתנו שנות ראינו רעה׃

קרוב יהוה לכל קראיו לכל אשר יקראהו באמת׃

רצון יראיו יעשה ואת שועתם ישמע ויושיעם׃

הרפא לשבורי לב ומחבש לעצבותם׃