פסוקים על Moses

30 פסוקים · 1 היבט

פסוקי מפתח

סינון לפי ספר
  1. שְׁמֹות ג׳:י׳

    ועתה לכה ואשלחך אל פרעה והוצא את עמי בני ישראל ממצרים׃

  2. שְׁמֹות ד׳:ה׳

    למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב׃

  3. שְׁמֹות ד׳:י״א

    ויאמר יהוה אליו מי שם פה לאדם או מי ישום אלם או חרש או פקח או עור הלא אנכי יהוה׃

  4. שְׁמֹות ד׳:י״ב

    ועתה לך ואנכי אהיה עם פיך והוריתיך אשר תדבר׃

  5. שְׁמֹות ו׳:י״ג

    וידבר יהוה אל משה ואל אהרן ויצום אל בני ישראל ואל פרעה מלך מצרים להוציא את בני ישראל מארץ מצרים׃

  6. שְׁמֹות ז׳:ב׳

    אתה תדבר את כל אשר אצוך ואהרן אחיך ידבר אל פרעה ושלח את בני ישראל מארצו׃

  7. שְׁמֹות י״ז:ט״ז

    ויאמר כי יד על כס יה מלחמה ליהוה בעמלק מדר דר׃

  8. שְׁמֹות י״ט:ג׳

    ומשה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישראל׃

  9. שְׁמֹות י״ט:ד׳

    אתם ראיתם אשר עשיתי למצרים ואשא אתכם על כנפי נשרים ואבא אתכם אלי׃

  10. שְׁמֹות י״ט:ה׳

    ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃

  11. שְׁמֹות י״ט:ו׳

    ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃

  12. שְׁמֹות י״ט:ז׳

    ויבא משה ויקרא לזקני העם וישם לפניהם את כל הדברים האלה אשר צוהו יהוה׃

  13. שְׁמֹות י״ט:ח׳

    ויענו כל העם יחדו ויאמרו כל אשר דבר יהוה נעשה וישב משה את דברי העם אל יהוה׃

  14. שְׁמֹות י״ט:ט׳

    ויאמר יהוה אל משה הנה אנכי בא אליך בעב הענן בעבור ישמע העם בדברי עמך וגם בך יאמינו לעולם ויגד משה את דברי העם אל יהוה׃

  15. שְׁמֹות ל״ג:י״א

    ודבר יהוה אל משה פנים אל פנים כאשר ידבר איש אל רעהו ושב אל המחנה ומשרתו יהושע בן נון נער לא ימיש מתוך האהל׃

  16. בְּמִדְבַּר י״א:י״ז

    וירדתי ודברתי עמך שם ואצלתי מן הרוח אשר עליך ושמתי עליהם ונשאו אתך במשא העם ולא תשא אתה לבדך׃

  17. בְּמִדְבַּר י״ב:ז׳

    לא כן עבדי משה בכל ביתי נאמן הוא׃

  18. בְּמִדְבַּר י״ב:ח׳

    פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשה׃

  19. בְּמִדְבַּר ל״ו:י״ג

    אלה המצות והמשפטים אשר צוה יהוה ביד משה אל בני ישראל בערבת מואב על ירדן ירחו׃

  20. דְּבָרִים א׳:ג׳

    ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אלהם׃

  21. דְּבָרִים ה׳:ל״א

    ואתה פה עמד עמדי ואדברה אליך את כל המצוה והחקים והמשפטים אשר תלמדם ועשו בארץ אשר אנכי נתן להם לרשתה׃

  22. דְּבָרִים י״ח:ט״ו

    נביא מקרבך מאחיך כמני יקים לך יהוה אלהיך אליו תשמעון׃

  23. דְּבָרִים י״ח:י״ח

    נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו׃

  24. דְּבָרִים ל״ד:י׳

    ולא קם נביא עוד בישראל כמשה אשר ידעו יהוה פנים אל פנים׃

  25. דְּבָרִים ל״ד:י״ב

    ולכל היד החזקה ולכל המורא הגדול אשר עשה משה לעיני כל ישראל׃