פסוקים על Molech

27 פסוקים · 3 היבטים

פסוקי מפתח

סינון לפי ספר
  1. וַיִּקְרָא י״ח:כ״א

    ומזרעך לא תתן להעביר למלך ולא תחלל את שם אלהיך אני יהוה׃

  2. וַיִּקְרָא כ׳:ב׳

    ואל בני ישראל תאמר איש איש מבני ישראל ומן הגר הגר בישראל אשר יתן מזרעו למלך מות יומת עם הארץ ירגמהו באבן׃

  3. וַיִּקְרָא כ׳:ג׳

    ואני אתן את פני באיש ההוא והכרתי אתו מקרב עמו כי מזרעו נתן למלך למען טמא את מקדשי ולחלל את שם קדשי׃

  4. וַיִּקְרָא כ׳:ד׳

    ואם העלם יעלימו עם הארץ את עיניהם מן האיש ההוא בתתו מזרעו למלך לבלתי המית אתו׃

  5. וַיִּקְרָא כ׳:ה׳

    ושמתי אני את פני באיש ההוא ובמשפחתו והכרתי אתו ואת כל הזנים אחריו לזנות אחרי המלך מקרב עמם׃

  6. 1 מְלָכִים י״א:א׳

    ¶ והמלך שלמה אהב נשים נכריות רבות ואת בת פרעה מואביות עמניות אדמית צדנית חתית׃

  7. 1 מְלָכִים י״א:ב׳

    מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שלמה לאהבה׃

  8. 1 מְלָכִים י״א:ג׳

    ויהי לו נשים שרות שבע מאות ופלגשים שלש מאות ויטו נשיו את לבו׃

  9. 1 מְלָכִים י״א:ד׳

    ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו׃

  10. 1 מְלָכִים י״א:ה׳

    וילך שלמה אחרי עשתרת אלהי צדנים ואחרי מלכם שקץ עמנים׃

  11. 1 מְלָכִים י״א:ו׳

    ויעש שלמה הרע בעיני יהוה ולא מלא אחרי יהוה כדוד אביו׃

  12. 1 מְלָכִים י״א:ז׳

    אז יבנה שלמה במה לכמוש שקץ מואב בהר אשר על פני ירושלם ולמלך שקץ בני עמון׃

  13. 1 מְלָכִים י״א:ח׳

    וכן עשה לכל נשיו הנכריות מקטירות ומזבחות לאלהיהן׃

  14. 2 מְלָכִים ט״ז:ג׳

    וילך בדרך מלכי ישראל וגם את בנו העביר באש כתעבות הגוים אשר הוריש יהוה אתם מפני בני ישראל׃

  15. 2 מְלָכִים כ״א:ו׳

    והעביר את בנו באש ועונן ונחש ועשה אוב וידענים הרבה לעשות הרע בעיני יהוה להכעיס׃

  16. 2 מְלָכִים כ״ג:י׳

    וטמא את התפת אשר בגי בני הנם לבלתי להעביר איש את בנו ואת בתו באש למלך׃

  17. 2 דִּבְרֵי הַיָּמִים כ״ח:ג׳

    והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל׃

  18. יְשַׁעְיָהוּ נ״ז:ה׳

    הנחמים באלים תחת כל עץ רענן שחטי הילדים בנחלים תחת סעפי הסלעים׃

  19. יִרְמְיָהוּ ז׳:ל״א

    ובנו במות התפת אשר בגיא בן הנם לשרף את בניהם ואת בנתיהם באש אשר לא צויתי ולא עלתה על לבי׃

  20. יִרְמְיָהוּ ל״ב:ל״ה

    ויבנו את במות הבעל אשר בגיא בן הנם להעביר את בניהם ואת בנותיהם למלך אשר לא צויתים ולא עלתה על לבי לעשות התועבה הזאת למען החטי את יהודה׃

  21. יְחֶזְקֵאל ט״ז:כ׳

    ותקחי את בניך ואת בנותיך אשר ילדת לי ותזבחים להם לאכול המעט מתזנתך׃

  22. יְחֶזְקֵאל ט״ז:כ״א

    ותשחטי את בני ותתנים בהעביר אותם להם׃

  23. יְחֶזְקֵאל כ׳:כ״ו

    ואטמא אותם במתנותם בהעביר כל פטר רחם למען אשמם למען אשר ידעו אשר אני יהוה׃

  24. יְחֶזְקֵאל כ׳:ל״א

    ובשאת מתנתיכם בהעביר בניכם באש אתם נטמאים לכל גלוליכם עד היום ואני אדרש לכם בית ישראל חי אני נאם אדני יהוה אם אדרש לכם׃

  25. יְחֶזְקֵאל כ״ג:ל״ז

    כי נאפו ודם בידיהן ואת גלוליהן נאפו וגם את בניהן אשר ילדו לי העבירו להם לאכלה׃