פסוקים על Manna: General references

37 פסוקים · 44 היבטים

פסוקים על General references

סינון לפי ספר
  1. שְׁמֹות ט״ז:ד׳

    ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא׃

  2. שְׁמֹות ט״ז:ה׳

    והיה ביום הששי והכינו את אשר יביאו והיה משנה על אשר ילקטו יום יום׃

  3. שְׁמֹות ט״ז:ו׳

    ויאמר משה ואהרן אל כל בני ישראל ערב וידעתם כי יהוה הוציא אתכם מארץ מצרים׃

  4. שְׁמֹות ט״ז:ז׳

    ובקר וראיתם את כבוד יהוה בשמעו את תלנתיכם על יהוה ונחנו מה כי תלונו עלינו׃

  5. שְׁמֹות ט״ז:ח׳

    ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה׃

  6. שְׁמֹות ט״ז:ט׳

    ויאמר משה אל אהרן אמר אל כל עדת בני ישראל קרבו לפני יהוה כי שמע את תלנתיכם׃

  7. שְׁמֹות ט״ז:י׳

    ויהי כדבר אהרן אל כל עדת בני ישראל ויפנו אל המדבר והנה כבוד יהוה נראה בענן׃

  8. שְׁמֹות ט״ז:י״א

    וידבר יהוה אל משה לאמר׃

  9. שְׁמֹות ט״ז:י״ב

    שמעתי את תלונת בני ישראל דבר אלהם לאמר בין הערבים תאכלו בשר ובבקר תשבעו לחם וידעתם כי אני יהוה אלהיכם׃

  10. שְׁמֹות ט״ז:י״ג

    ויהי בערב ותעל השלו ותכס את המחנה ובבקר היתה שכבת הטל סביב למחנה׃

  11. שְׁמֹות ט״ז:י״ד

    ותעל שכבת הטל והנה על פני המדבר דק מחספס דק ככפר על הארץ׃

  12. שְׁמֹות ט״ז:ט״ו

    ויראו בני ישראל ויאמרו איש אל אחיו מן הוא כי לא ידעו מה הוא ויאמר משה אלהם הוא הלחם אשר נתן יהוה לכם לאכלה׃

  13. שְׁמֹות ט״ז:ט״ז

    זה הדבר אשר צוה יהוה לקטו ממנו איש לפי אכלו עמר לגלגלת מספר נפשתיכם איש לאשר באהלו תקחו׃

  14. שְׁמֹות ט״ז:י״ז

    ויעשו כן בני ישראל וילקטו המרבה והממעיט׃

  15. שְׁמֹות ט״ז:י״ח

    וימדו בעמר ולא העדיף המרבה והממעיט לא החסיר איש לפי אכלו לקטו׃

  16. שְׁמֹות ט״ז:י״ט

    ויאמר משה אלהם איש אל יותר ממנו עד בקר׃

  17. שְׁמֹות ט״ז:כ׳

    ולא שמעו אל משה ויותרו אנשים ממנו עד בקר וירם תולעים ויבאש ויקצף עלהם משה׃

  18. שְׁמֹות ט״ז:כ״א

    וילקטו אתו בבקר בבקר איש כפי אכלו וחם השמש ונמס׃

  19. שְׁמֹות ט״ז:כ״ב

    ויהי ביום הששי לקטו לחם משנה שני העמר לאחד ויבאו כל נשיאי העדה ויגידו למשה׃

  20. שְׁמֹות ט״ז:כ״ג

    ויאמר אלהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר׃

  21. שְׁמֹות ט״ז:כ״ד

    ויניחו אתו עד הבקר כאשר צוה משה ולא הבאיש ורמה לא היתה בו׃

  22. שְׁמֹות ט״ז:כ״ה

    ויאמר משה אכלהו היום כי שבת היום ליהוה היום לא תמצאהו בשדה׃

  23. שְׁמֹות ט״ז:כ״ו

    ששת ימים תלקטהו וביום השביעי שבת לא יהיה בו׃

  24. שְׁמֹות ט״ז:כ״ז

    ויהי ביום השביעי יצאו מן העם ללקט ולא מצאו׃

  25. שְׁמֹות ט״ז:כ״ח

    ויאמר יהוה אל משה עד אנה מאנתם לשמר מצותי ותורתי׃