פסוקים על Manna: Two portions of, gathered the sixth day on account of the Sabbath

ויהי ביום הששי לקטו לחם משנה שני העמר לאחד ויבאו כל נשיאי העדה ויגידו למשה׃

ויאמר אלהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר׃

ויניחו אתו עד הבקר כאשר צוה משה ולא הבאיש ורמה לא היתה בו׃

ויאמר משה אכלהו היום כי שבת היום ליהוה היום לא תמצאהו בשדה׃

ששת ימים תלקטהו וביום השביעי שבת לא יהיה בו׃