פסוקים על Journey of Israel Through The Desert

וידבר יהוה אל משה לאמר׃

הקרב את מטה לוי והעמדת אתו לפני אהרן הכהן ושרתו אתו׃

ושמרו את משמרתו ואת משמרת כל העדה לפני אהל מועד לעבד את עבדת המשכן׃

ושמרו את כל כלי אהל מועד ואת משמרת בני ישראל לעבד את עבדת המשכן׃

ונתתה את הלוים לאהרן ולבניו נתונם נתונם המה לו מאת בני ישראל׃

וידבר יהוה אל משה לאמר׃

ואני הנה לקחתי את הלוים מתוך בני ישראל תחת כל בכור פטר רחם מבני ישראל והיו לי הלוים׃

כי לי כל בכור ביום הכתי כל בכור בארץ מצרים הקדשתי לי כל בכור בישראל מאדם עד בהמה לי יהיו אני יהוה׃

¶ וידבר יהוה אל משה במדבר סיני בשנה השנית לצאתם מארץ מצרים בחדש הראשון לאמר׃

ויעשו בני ישראל את הפסח במועדו׃

בארבעה עשר יום בחדש הזה בין הערבים תעשו אתו במועדו ככל חקתיו וככל משפטיו תעשו אתו׃

וידבר משה אל בני ישראל לעשת הפסח׃

ויעשו את הפסח בראשון בארבעה עשר יום לחדש בין הערבים במדבר סיני ככל אשר צוה יהוה את משה כן עשו בני ישראל׃

ויסע דגל מחנה בני יהודה בראשנה לצבאתם ועל צבאו נחשון בן עמינדב׃

ועל צבא מטה בני יששכר נתנאל בן צוער׃

ועל צבא מטה בני זבולן אליאב בן חלון׃

והורד המשכן ונסעו בני גרשון ובני מררי נשאי המשכן׃

ונסע דגל מחנה ראובן לצבאתם ועל צבאו אליצור בן שדיאור׃

ועל צבא מטה בני שמעון שלמיאל בן צורי שדי׃

ועל צבא מטה בני גד אליסף בן דעואל׃

ונסעו הקהתים נשאי המקדש והקימו את המשכן עד באם׃

ונסע דגל מחנה בני אפרים לצבאתם ועל צבאו אלישמע בן עמיהוד׃

ועל צבא מטה בני מנשה גמליאל בן פדהצור׃

ועל צבא מטה בני בנימן אבידן בן גדעוני׃

ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישדי׃