פסוקים על Journey of Israel Through The Desert: God's glory shown to Moses

ויאמר הראני נא את כבדך׃

ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם׃

ויאמר לא תוכל לראת את פני כי לא יראני האדם וחי׃

ויאמר יהוה הנה מקום אתי ונצבת על הצור׃

והיה בעבר כבדי ושמתיך בנקרת הצור ושכתי כפי עליך עד עברי׃

והסרתי את כפי וראית את אחרי ופני לא יראו׃

וירד יהוה בענן ויתיצב עמו שם ויקרא בשם יהוה׃

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃

וימהר משה ויקד ארצה וישתחו׃