פסוקים על Journey of Israel Through The Desert: Plague sent

וילנו כל עדת בני ישראל ממחרת על משה ועל אהרן לאמר אתם המתם את עם יהוה׃

ויהי בהקהל העדה על משה ועל אהרן ויפנו אל אהל מועד והנה כסהו הענן וירא כבוד יהוה׃

ויבא משה ואהרן אל פני אהל מועד׃

וידבר יהוה אל משה לאמר׃

הרמו מתוך העדה הזאת ואכלה אתם כרגע ויפלו על פניהם׃

ויאמר משה אל אהרן קח את המחתה ותן עליה אש מעל המזבח ושים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃