פסוקים על Journey of Israel Through The Desert: Judges appointed

20 פסוקים · 177 היבטים

פסוקים על Judges appointed

שְׁמֹות י״ח:י״ד
וירא חתן משה את כל אשר הוא עשה לעם ויאמר מה הדבר הזה אשר אתה עשה לעם מדוע אתה יושב לבדך וכל העם נצב עליך מן בקר עד ערב׃
שְׁמֹות י״ח:ט״ו
ויאמר משה לחתנו כי יבא אלי העם לדרש אלהים׃
שְׁמֹות י״ח:ט״ז
כי יהיה להם דבר בא אלי ושפטתי בין איש ובין רעהו והודעתי את חקי האלהים ואת תורתיו׃
שְׁמֹות י״ח:י״ז
ויאמר חתן משה אליו לא טוב הדבר אשר אתה עשה׃
שְׁמֹות י״ח:י״ח
נבל תבל גם אתה גם העם הזה אשר עמך כי כבד ממך הדבר לא תוכל עשהו לבדך׃
שְׁמֹות י״ח:י״ט
עתה שמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים׃
שְׁמֹות י״ח:כ׳
והזהרתה אתהם את החקים ואת התורת והודעת להם את הדרך ילכו בה ואת המעשה אשר יעשון׃
שְׁמֹות י״ח:כ״א
ואתה תחזה מכל העם אנשי חיל יראי אלהים אנשי אמת שנאי בצע ושמת עלהם שרי אלפים שרי מאות שרי חמשים ושרי עשרת׃
שְׁמֹות י״ח:כ״ב
ושפטו את העם בכל עת והיה כל הדבר הגדל יביאו אליך וכל הדבר הקטן ישפטו הם והקל מעליך ונשאו אתך׃
שְׁמֹות י״ח:כ״ג
אם את הדבר הזה תעשה וצוך אלהים ויכלת עמד וגם כל העם הזה על מקמו יבא בשלום׃
שְׁמֹות י״ח:כ״ד
וישמע משה לקול חתנו ויעש כל אשר אמר׃
שְׁמֹות י״ח:כ״ה
ויבחר משה אנשי חיל מכל ישראל ויתן אתם ראשים על העם שרי אלפים שרי מאות שרי חמשים ושרי עשרת׃
שְׁמֹות י״ח:כ״ו
ושפטו את העם בכל עת את הדבר הקשה יביאון אל משה וכל הדבר הקטן ישפוטו הם׃
דְּבָרִים א׳:ט׳
ואמר אלכם בעת ההוא לאמר לא אוכל לבדי שאת אתכם׃
דְּבָרִים א׳:י׳
יהוה אלהיכם הרבה אתכם והנכם היום ככוכבי השמים לרב׃
דְּבָרִים א׳:י״א
יהוה אלהי אבותכם יסף עליכם ככם אלף פעמים ויברך אתכם כאשר דבר לכם׃
דְּבָרִים א׳:י״ב
איכה אשא לבדי טרחכם ומשאכם וריבכם׃
דְּבָרִים א׳:י״ג
הבו לכם אנשים חכמים ונבנים וידעים לשבטיכם ואשימם בראשיכם׃
דְּבָרִים א׳:י״ד
ותענו אתי ותאמרו טוב הדבר אשר דברת לעשות׃
דְּבָרִים א׳:ט״ו
ואקח את ראשי שבטיכם אנשים חכמים וידעים ואתן אתם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם׃