פסוקים על Journey of Israel Through The Desert: Korah, &c punished

ואם בריאה יברא יהוה ופצתה האדמה את פיה ובלעה אתם ואת כל אשר להם וירדו חיים שאלה וידעתם כי נאצו האנשים האלה את יהוה׃

ויהי ככלתו לדבר את כל הדברים האלה ותבקע האדמה אשר תחתיהם׃

ותפתח הארץ את פיה ותבלע אתם ואת בתיהם ואת כל האדם אשר לקרח ואת כל הרכוש׃

וירדו הם וכל אשר להם חיים שאלה ותכס עליהם הארץ ויאבדו מתוך הקהל׃

וכל ישראל אשר סביבתיהם נסו לקלם כי אמרו פן תבלענו הארץ׃

ואש יצאה מאת יהוה ותאכל את החמשים ומאתים איש מקריבי הקטרת׃